سۋ رەسۋرستارى جانە يرريگاسيا مينيسترلىگى «قازسۋشار» رمك قىزمەتىن تەكسەرەدى.
بۇل تۋرالى مينيسترلىكتىڭ قۇرىلىمدىق بولىمشەلەرى مەن كاسىپورىن باسشىلارىنىڭ قاتىسۋىمەن وتكەن كەڭەستە اۋديت دەپارتامەنتىنىڭ ديرەكتورى عالىمجان مولداش مالىمدەدى. تەكسەرىس اقپان ايىنىڭ سوڭىنا جوسپارلانعان، دەپ حابارلايدى Almaty-akshamy.kz Cۋ رەسۋرستارى جانە يرريگاسيا مينيسترلىگىنە سىلتەمە جاساپ.
سونداي-اق، تەكسەرىس اياسىندا وسىعان دەيىن جۇرگىزىلگەن اۋديتورلىق ءىس-شارالار بويىنشا جوعارى اۋديتورلىق پالاتانىڭ ەسكەرتۋلەرىن جويۋ بويىنشا جۇمىس جۇرگىزىلەدى.
بۇدان بولەك، مينيسترلىك مەملەكەتتىك اۋديت وبەكتىلەرىنىڭ بەكىتىلگەن تىزبەسىنە سايكەس «نۇرا توپتىق سۋ قۇبىرى» شجق رمك قىزمەتىن تەكسەرۋدى باستادى.
«ءاۋديتتىڭ باستى ماقساتى – اشىقتىق، كاسىپورىن مەن سۋ سالاسىن قارجىلىق ساۋىقتىرۋ. جوعارى اۋديتورلىق پالاتا مەن پارلامەنت دەپۋتاتتارى تاراپىنان سۇراقتار مەن ەسكەرتۋلەر بار. سوندىقتان بارلىق كەمشىلىكتەر مەن بۇزۋشىلىقتاردى جويۋ قاجەت»، - دەدى عالىمجان مولداش.