سەنات دەپۋتاتى دارحان ءقىدىرالى ۇكىمەتكە وسىنداي ۇسىنىس جاسادى، دەپ حابارلايدى Almaty-akshamy.kz.
ونىڭ سوزىنە قاراعاندا، قازىرگى وقۋلىقتا قازاق حاندىعىنىڭ قالانعاندىعى تۋرالى ناقتى اقپارات جوقتىڭ قاسى.
«جوشى ۇلىسىنىڭ ىرگەسى قالانعانىنا 800 جىل تولۋى قازاق حالقىنىڭ شىنايى تاريحىنا ماڭىز بەرۋ ءۇشىن تاماشا مۇمكىندىك بولىپ وتىر. مەملەكەت باسشىسى تاياۋدا « Egemen Qazaqstan» گازەتىنە بەرگەن سۇحباتىندا وسى ايتۋلى داتانى ەسكە سالعانى بەلگىلى. سونداي-اق مەملەكەتتىلىگىمىزدىڭ تامىرى تەرەڭدە جاتقانىن ايگىلەيتىن اۋقىمدى زەرتتەۋلەر جۇرگىزۋ ماڭىزدى ەكەنىن اتاپ ءوتتى. سوندىقتان جاڭا وقۋلىقتا جوشىنىڭ قازاق حاندارىنىڭ اتاسى ەكەنى باسا ايتىلۋى ءتيىس»، - دەدى دەپۋتات.
«ارينە ۇلت تاريحىن بىلمەۋ قاسىرەت. الايدا ودان وتكەن ۇلكەن قاسىرەت بار ول – تاريحتى جاڭىلىس ءبىلۋ. ۇلتتىق ساناعا تاريحي سانا نەگىز بولادى دەسەك بۇرمالانعان تۇسىنىكتەن قاتە تانىم قالىپتاسادى. سوندىقتان، تاريحتى دۇرىس جازۋ جانە وقىتۋ تاريحتى جاساۋمەن بىردەي وزەكتى. بيىل اياقتالاتىن قازاقستان تاريحىنىڭ كوپتومدىعى جوشى ۇلىسىنا قاتىستى تىڭ دەرەكتەردى ۇسىنادى دەپ ۇمىتتەنەمىز. مەكتەپ وقۋلىقتارى وسى كوپتومدىق نەگىزىندە قايتا جازىلعانى ابزال»، -دەيدى ق ر پارلامەنتى سەناتىنىڭ دەپۋتاتى دارحان ءقىدىرالى.