افريكادان كەلگەن زاڭسىز كەلىمسەكتەردىڭ كەزەكتى لەگىن قاڭتار ايىنىڭ سوڭىنا دەيىن جونەلتۋ جوسپارلانعان.
قازاقستان رەسپۋبليكاسىنىڭ كوشى-قون زاڭناماسىن بۇزعانى ءۇشىن ۇستالعان افريكا قۇرلىعى ەلدەرىنىڭ 19 ازاماتى ەلىنە قايتارىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«اتالعان شەتەلدىكتەر ءبىزدىڭ ەلدە بولعان كەزىندە حالىقتىڭ كوشى-قونى سالاسىنداعى زاڭنامانى بۇزعان، اتاپ ايتقاندا، زاڭدا بەلگىلەنگەن مەرزىمدە قازاقستان رەسپۋبليكاسىنىڭ اۋماعىنان شىقپاي، سوت شەشىمىمەن مەملەكەتىمىزدەن شىعارىپ جىبەرۋ تۇرىندە اكىمشىلىك جازاعا تارتىلدى. ايتا كەتۋ كەرەك، اۋە تاسىمالى قالا اكىمدىگىنىڭ كومەگىمەن ۇيىمداستىرىلدى. ول بىرنەشە كەزەڭدە وتەدى»، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.