قمگ-نىڭ جەكە كرەديتتىك رەيتينگى ارتتى.
«قازمۇنايگاز» ۇك اق «سامۇرىق-قازىنا» اق-دان «قمگ قاشاعان ب.ۆ.» جشجك كومپانياسىنداعى 50% ۇلەسىن ساتىپ الدى، دەپ حابارلايدى Almaty-akshamy.kz.
قمگ باسپا ءسوز قىزمەتىنىڭ مالىمەتى بويىنشا، 2022 جىلى 15 قىركۇيەكتە «قازمۇنايگاز» ۇك اق (قمگ) 2015 جىلى جاسالعان وپسيوندىق كەلىسىم اياسىنداعى ءوز قۇقىعىن پايدالانىپ، «سامۇرىق-قازىنا» اق-دان (قور) سولتۇستىك كاسپيي جوباسى (قاشاعان جوباسى) بويىنشا ءونىمدى ءبولۋ تۋرالى كەلىسىمنىڭ 16،88% تيەسىلى «قمگ قاشاعان ب.ۆ.» جشجك كومپانياسىنداعى 50% ۇلەسىن 3،8 ملرد اقش دوللارىنا ساتىپ العان.
«بۇل – «قازمۇنايگاز» ءۇشىن سوڭعى جىلدارداعى ەڭ ءىرى ساتىپ الۋ مامىلەلەرىنىڭ ءبىرى. قاشاعان جوباسىنداعى ۇلەسى ارتۋى ارقىلى قمگ-نىڭ شوعىرلاندىرىلعان ءوندىرۋ، EBITDA، تازا پايدا جانە اكتيۆتەر كورسەتكىشتەرى جاقسارادى. بۇل رەتتە كومپانيانىڭ قارىزى دا ارتادى. ساتىپ الۋ ءۇشىن تولەم قمگ قاشاعان ب.ۆ. اقشا اعىمدارىنىڭ ەسەبىنەن جۇزەگە اسىرىلادى دەپ جوسپارلانۋدا»، - دەپ حابارلادى قمگ باسقارما ءتوراعاسىنىڭ ورىنباسارى داۋرەن قارابايەۆ.
2015 جىلى قمگ تۇسكەن قاراجاتتى سول جىلدارى مۇناي باعاسىنىڭ كۇرت تومەندەۋىنە بايلانىستى قمگ ەۋرووبليگاسيالارىنداعى «تازا قارىز/ EBITDA <= 3.5ح» قارجىلىق كوۆەنانتىنىڭ بۇزىلۋىنا جول بەرمەۋ ماقساتىندا قارىزدى ازايتۋعا پايدالانۋ ءۇشىن قمگ قاشاعان ب.ۆ. كومپانياسىنداعى 50% ۇلەسىن قورعا ساتتى.
قازىرگى ساتىپ الۋدى جۇزەگە اسىرۋعا قمگ-نىڭ قارجىلىق جاعدايىن جاقسارتۋ بويىنشا جۇرگىزىلگەن ۇلكەن جۇمىس سەپ بولدى، بۇل وسى مامىلەنى كرەديتتىك رەيتينگتەرگە اسەر ەتپەي ىسكە اسىرۋعا مۇمكىندىك بەردى.
بۇل كەزەڭدە قارجىلىق جاعدايدى جاقسارتۋ جونىندەگى ءىس-شارالار مينوريتارلىق اكسيونەرلەرمەن كەلىسسوزدەر جۇرگىزۋدى جانە «قازمۇنايگاز «بارلاۋ ءوندىرۋ» اق-داعى ۇلەسىن شوعىرلاندىرۋدى، قمگ-نىڭ جاريا بورىشىنداعى كوۆەنانتتى پاكەتتى وڭتايلاندىرۋدى، سونداي-اق قمگ اقشا اعىمدارىنا سايكەس ۇزاق مەرزىمدى وتەۋ كەستەسىن قۇرۋدى قامتىدى. اتاپ ايتقاندا، قمگ ەۋرووبليگاسيالارىمەن جاسالعان ءبىرقاتار مامىلەلەر ناتيجەسىندە كوۆەنانتتىق پاكەتتەن «تازا بورىش/ EBITDA <= 3.5ح» قارجىلىق كوۆەنانتى تولىعىمەن الىپ تاستالدى.
جۇرگىزىلگەن جۇمىس ناتيجەسىندە قمگ-نىڭ جالپى قارىزى شوعىرلاندىرىلعان اۋديتتەن وتكەن قارجىلىق ەسەپتىلىككە سايكەس 2014 جىلدىڭ سوڭىنداعى جاعداي بويىنشا 19،2 ملرد اقش دوللارىنان 2022 جىلدىڭ ءبىرىنشى جارتىجىلدىعىنىڭ سوڭىندا 8،4 ملرد اقش دوللارىنا دەيىن ازايدى. قمگ قاشاعان ب.ۆ. ۇلەسىن ساتىپ الۋ مامىلەسى اياقتالعاننان كەيىن قمگ-نىڭ جالپى قارىزى شامامەن 10،7 ملرد اقش دوللارىنا جەتەدى.
حالىقارالىق رەيتينگ اگەنتتىكتەرى وسى كەزەڭ ىشىندە قمگ-نىڭ جەكە كرەديتتىك رەيتينگىن ارتتىرىپ، كومپانيانىڭ قارجىلىق جاعدايى جاقسارعانىن اتاپ ءوتتى.
بۇعان دەيىن قمگ قاشاعان ب.ۆ. كومپانياسىنىڭ 50% ۇلەسىنە الدىن الا شەكتەۋ قويىلعان ەدى، ونى بيىل گااگا (نيدەرلاند) اپەللياسيالىق سوتى الىپ تاستادى. بۇل شەشىمگە قاتىستى نيدەرلاند جوعارعى سوتىنا تۇسكەن شاعىم قمگ-نىڭ 50% ۇلەسىن ساتىپ الۋ تۋرالى مامىلەسىنە اسەر ەتپەيدى، ويتكەنى اپەللياسيالىق سوتتىڭ شەكتەۋدى الىپ تاستاۋ تۋرالى شەشىمى دەرەۋ كۇشىنە ەنەدى.
مامىلە تۋرالى تولىعىراق «قازمۇنايگازدىڭ» قارجىلىق ەسەبىندە باياندالاتىن بولادى.