قازاقستاندا اەس سالۋ ماسەلەسى بويىنشا الماتىدا وتكەن جاريا تالقىلاۋلاردا ق ر ۇلتتىق يادرولىق ورتالىعى باس ينجەنەرىنىڭ ورىنباسارى دەنيس زارۆا قازىرگى زامانعى اتوم ەلەكتر ستانسيالارى قولداناتىن بارىنشا قورعاۋ شارالارىن اتاپ ءوتتى.
- چەرنوبىلدا جۇمىس ىستەگەن رەاكتورمەن مۇندا ۇسىنىلعان جوبالاردىڭ ەشقانداي قاتىسى جوق. قازىرگى رەاكتورلار قىسىممەن جۇمىس ىستەيتىن ەكى تىزبەكتى سۋ قۇبىرلارى بولىپ تابىلادى. قازىرگى قاۋىپسىزدىك شاراسىندا-قورعانىس كاپسۋلا ارقىلى بولادى. ءبىرىنشى بولاتتان جاسالعان قابىق تىعىزدىعىن ساقتايدى جانە راديواكتيۆتى ونىمدەردىڭ اتموسفەراعا شىعۋىنا جول بەرمەيدى. سىرتى بەتونمەن جاسالعان، ول تورنادوعا، داۋىلعا، ۇشاقتاردىڭ قۇلاۋىنا جانە ت.ب. قارسى تۇرۋعا مۇمكىندىك بەرەدى. قازىرگى اتوم ەلەكتر ستانسيالارىندا 5 قاۋىپسىزدىك دەڭگەيى بار. ولاردىڭ قۇنى اتوم ەلەكتر ستانسياسىن سالۋ شىعىندارىنىڭ جارتىسىن قۇرايدى، - دەدى سپيكەر.
ەستەرىڭىزگە سالا كەتەيىك، اعىمداعى جىلدىڭ ماۋسىم ايىندا مەملەكەت باسشىسى اتوم ەلەكتر ستانسياسىن سالۋ بويىنشا رەفەرەندۋم 2024 جىلدىڭ كۇزىندە وتەتىنىن مالىمدەدى. ناقتى كۇندى قازاقستان ۇكىمەتى ايقىندايدى.