"قازگيدرومەت" قازاقستاننىڭ تۋريستىك ايماقتارىنا ءۇش اۆتوماتتى مەتەورولوگيالىق ستانسا ورناتتى
ەلىمىزدە ءتۋريزمنىڭ بەلسەندى دامۋىنان گيدرومەتەورولوگيالىق قامتاماسىز ەتۋگە دەگەن سۇرانىس ارتۋدا، دەپ حابارلايدى Almaty-akshamy.kz
سول سەبەپتى دە «قازگيدرومەت» تانىمال تۋريستىك باعىتتاردى مەتەورولوگيالىق مونيتورينگىمەن قامتۋدى قولعا الدى.
«پاندەميا كەزىندە قازاقستاندىقتاردى ەلىمىزدىڭ اسەم تابيعاتىمەن تانىستىراتىن تۋريستىك فيرمالار مەن جەكەلەگەن بەلسەندىلەردىڭ سانى كۇرت ءوستى. ەلىمىزدە بەلسەندى ءتۋريزمنىڭ دامۋى گيدرومەتەورولوگيالىق قامتاماسىز ەتۋگە دەگەن سۇرانىستى ارتتىرۋدا. بولجامداردىڭ دالدىگى، جاۋىن-شاشىن مەن داۋىلدى ۋاقتىلى حابارلاۋ ىشكى ءتۋريزمنىڭ ءبىرقاتار سالاسىنىڭ كىرىستەرىن قالىپتاستىرادى»، - دەلىنگەن حابارلامادا.
قازاقستاننىڭ تۋريستىك ايماقتارىنا ءۇش اۆتوماتتى مەتەورولوگيالىق ستانسا ورناتتى. ولار - شارىن شاتقالى (شارىن امس)، كولساي كولى (كولساي امس) جانە تۇرگەن شاتقالى (تۇرگەن امس).
«بۇرىن بۇل ايماقتار "قازگيدرومەت" مونيتورينگىسىنىڭ جەرۇستى جەلىسىمەن قامتىلماعان بولاتىن، دەگەنمەن امس ەلدى مەكەندەردىڭ جانىندا دا، ءشولدى، تاۋلى جانە ورماندى اۋداندارداعى ۇلكەن قالالاردان قاشىق جەرلەردە دە ورنالاسقان. قورىقتار ىشىندە ورنالاسقان وسى ءۇش ايماقتى تاڭداۋعا ءوز بەتىمەن ساياحاتتاۋشىلار مەن تۋريستىك فيرمالار ءۇشىن ناقتى اۋا-رايى بولجامىنىڭ قاجەتتىلىگى سەبەپ بولدى»، - دەلىنگەن حابارلامادا.
«قازگيدرومەت» رمك-نىڭ ءبىر-ۇش تاۋلىككە بەرەتىن جاۋىن-شاشىن، جەل، اۋا تەمپەراتۋراسى بويىنشا بولجامدارىنىڭ دۇرىستىعى 92%-عا دەيىن جەتەدى. ادامدار كوپ جينالاتىن تانىمال تۋريستىك مارشرۋتتار ايماعىنا Aمس-تى ورنالاستىرۋ كەلۋشىلەرگە قولايسىز مەتەورولوگيالىق جاعداي، اۋا رايىنىڭ كۇرت وزگەرۋى جانە داۋىل تۋرالى ەسكەرتۋ قاجەتتىلىگىنەن تۋىنداپ وتىر. "قازگيدرومەت" الداعى ۋاقىتتا باسقا دا تانىمال تۋريستىك باعىتتاردى مونيتورينگىمەن قامتۋ كوزدەپ وتىر.
ەسكە سالا كەتسەك، 29 مامىردا الماتى وبلىسىنىڭ شارىن شاتقالىندا سەل ءجۇرىپ، 2 تۋريست قازا تاپتى. تاعى 6 ادام زارداپ شەككەن ەدى.