بيىل جالاقى 26-دان 111%-عا دەيىن وسەدى
بيىل "قازگيدرومەت" رەسپۋبليكالىق مەملەكەتتىك مەكەمەسى قىزمەتكەرلەرىنىڭ ەڭبەكاقىسى ارتادى. بۇل تۋرالى ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆا ءوزىنىڭ Instagram پاراقشاسىندا ءمالىم ەتتى، دەپ حابارلايدى Almaty-akshamy.kz.
"قازگيدرومەت" قىزمەتكەرلەرىنىڭ جالاقىسىن كوتەرۋ ءۇشىن قاراجات بولۋگە قول جەتكىزدىك. بيىل ولاردىڭ جالاقىسى 26-دان 111%-عا دەيىن وسەدى. بۇگىن سەنات "رەسپۋبليكالىق بيۋدجەتتى تۇزەتۋ تۋرالى" زاڭدى قابىلدادى. وندا "قازگيدرومەت" قىزمەتكەرلەرىنىڭ جالاقىسىن كوتەرۋگە قاراجات قاراستىرىلعان. سوڭعى ەكى اي بويى كاسىپورىن بيۋدجەتىن ۇلعايتۋدى سۇراعان ەدىك"، - دەپ جازدى ءزۇلفيا سۇلەيمەنوۆا.
مينيستر ۆەدومستۆو تاراپىنان ورمان جانە بالىق شارۋاشىلىعى قىزمەتكەرلەرىنىڭ دە جالاقىسىن كوتەرۋ ءۇشىن دە جۇمىستىڭ ءجۇرىپ جاتقانىن جەتكىزدى.