بەتون پليتالارىنىڭ كوتەرىلۋىن توقتاتۋ بويىنشا شارالار قابىلداندى
«قازاۆتوجول» ۇك» اق تۇركىستان وبلىستىق فيليالىنىڭ ديرەكتورى قىزمەتىنەن بوساتىلدى. وعان جول ساپاسىنا قاتىستى تۇرعىنداردىڭ شاعىمى سەبەپ بولعان. بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگى اۆتوموبيل جولدارى كوميتەتى مالىمدەدى، دەپ حابارلايدى Almaty-akshamy.kz.
«ەل تۇرعىندارىنان بولعان سىنعا بايلانىستى «قازاۆتوجول» ۇك» اق تۇركىستان وبلىستىق فيليالىنىڭ ديرەكتورىن قىزمەتىنەن بوساتۋ تۋرالى شەشىم قابىلداندى. قوعام ءتوراعاسىنىڭ ورىنباسارىنا قاتاڭ سوگىس جاريالاندى. سونىمەن قاتار جولداردى كۇتىپ ۇستاۋ ساپاسىن تيىسىنشە باقىلاماعانى ءۇشىن «جول اكتيۆتەرىنىڭ ۇلتتىق ساپا ورتالىعى» شارۋاشىلىق جۇرگىزۋ قۇقىعىنداعى» رەسپۋبليكالىق مەملەكەتتىك كاسىپورنىنىڭ وڭىرلىك فيليال باسشىسىنا قاتىستى تارتىپتىك سيپاتتاعى شارالار قابىلداندى»، - دەلىنگەن ۇسىنىلعان حابارلامادا.
مالىمەت بويىنشا، قازىرگى ۋاقىتتا بەتون پليتالارىنىڭ كوتەرىلۋىن توقتاتۋ بويىنشا شارالار قابىلداندى. سونداي-اق ميكروسيۋرفەيسينگ توسەۋ جۇمىستارىن ۋاقىتشا توقتاتۋ شەشىمى قابىلداندى. بۇدان بولەك، سەمەنت-بەتون پليتالارىنىڭ اراسىن كەڭەيتەتىن تەمپەراتۋرالىق تىگىستەر كۇندەلىكتى تەكسەرىلەتىن بولدى.