وسى سەرۆيس ارقىلى جۇمىس بەرۋشىلەر قاجەتتى قۇجاتتاردىڭ ەلەكتروندىق پاكەتىن سۇراي الادى.
قازاقستان ۇكىمەتى ەڭبەك رەسۋرستارى پورتالىندا جاڭا سەرۆيس ەنگىزگىزىپ وتىر، دەپ حابارلايدى Almaty-akshamy.kz.
«hr.enbek.kz ەڭبەك رەسۋرستارى پورتالىندا «قىزمەتكەردىڭ جەكە ءىسى» سەرۆيسى ىسكە قوسىلدى، ونىڭ كومەگىمەن جۇمىس بەرۋشى جۇمىسقا كانديداتتىڭ نەمەسە قىزمەتكەردىڭ كەلىسىمىمەن جۇمىسقا ورنالاسۋ كەزىندە قاجەتتى قۇجاتتاردىڭ ەلەكتروندىق پاكەتىن سۇراي الادى، سونداي-اق قىزمەتكەردىڭ باسقا جۇمىسپەن قامتىلۋىن تەكسەرە الادى»،- دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
جەكە تۇلعانىڭ دەربەس دەرەكتەرىن وڭدەۋگە كەلىسىمىن ءۇشىنشى تۇلعالارعا بەرۋ ءۇشىن ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ دەربەس دەرەكتەرگە قولجەتىمدىلىكتى باقىلاۋ سەرۆيسى ارقىلى ءموبيلدى ازاماتتار بازاسىندا تىركەلگەن قىزمەتكەردىڭ نومىرىنە SMS جولداۋ ارقىلى نەمەسە hr.enbek.kz پورتالىندا ەسق كومەگىمەن كەلىسىمگە قول قويۋ ارقىلى جۇزەگە اسىرىلادى.
وسىلايشا، اقىسىز نەگىزدە كەلەسى اقپاراتتى الۋعا بولادى:
- جەكە كۋالىكتەگى اقپارات؛
- فوتوسۋرەتتەر؛
- ءبىلىم تۋرالى اقپارات؛
- پسيحو-ناركولوگيالىق جانە تۋبەركۋلەز ديسپانسەرلەرىندە ەسەپتە تۇرعانى تۋرالى اقپارات؛
- 0/75ۋ مەديسينالىق انىقتامادان مالىمەتتەر؛
- ەڭبەك شارتتارىن ەسەپكە الۋدىڭ ءبىرىڭعاي جۇيەسىنەن جۇمىس تاجىريبەسى تۋرالى اقپارات؛
- ۆاكسينالاۋ تۋرالى اقپارات.
جۇمىس بەرۋشى hr.enbek.kz ەڭبەك رەسۋرستارى پورتالى ارقىلى تاڭداۋ ءۇشىن كەز كەلگەن قولجەتىمدى تەگىن اقپاراتتى سۇراتۋعا قۇقىلى.
كادرلىق قامتاماسىز ەتۋدىڭ اقپاراتتىق جۇيەلەرى بار جۇمىس بەرۋشىلەرگە Smart Bridge ارقىلى ينتەگراسيالاۋ ارقىلى تەگىن قىزمەتكە قوسىلۋ مۇمكىندىگى بەرىلەدى.
hr.enbek.kz ەڭبەك رەسۋرستارى پورتالىندا 2022 جىلعى ماۋسىمدا ىسكە قوسىلعان «قىزمەتكەردىڭ جەكە كابينەتى» سەرۆيسى قۇرىلدى، وندا ءوز ەڭبەك شارتتارىڭىزدى كورۋگە، جۇمىس ورنىنان انىقتامانى جۇكتەۋگە، سونداي-اق دەربەس دەرەكتەردى وڭدەۋگە كەلىسىمگە قول قويۋعا جانە بولاشاقتا قاشىقتىقتان ەلەكتروندىق ەڭبەك شارتىن جاساسۋعا بولادى.
جۇمىس بەرۋشى ءۇشىن پورتالدا ەڭبەك شارتتارىن تىركەۋ، قاراۋ، تۇزەتۋلەر مەن تولىقتىرۋلار ەنگىزۋ، الەۋمەتتىك دەمالىستاردى تىركەۋ، كاسىپورىندى اۋىستىرۋ جانە قايتا ۇيىمداستىرۋ، جەكە ءىستى قالىپتاستىرۋ بويىنشا سەرۆيس فۋنكسيالارى قولجەتىمدى، سونداي-اق، ءانونيمدى تۇردە نەمەسە جاقىن ارادا ەڭبەك زاڭناماسىن بۇزۋ تۋرالى تەست تاپسىرۋعا رۇقسات ەتىلەدى.