ولار كاسىپكەردەن ءىرى كولەمدە قارجى بوپسالادى دەگەن كۇدىككە ءىلىندى.
ۇلتتىق قاۋىپسىزدىك كوميتەتى كولىك پروكۋراتۋراسىمەن بىرگە "نك "قازاۆتوجول" اكسيونەرلىك قوعامى پاۆلودارلىق فيليالىنىڭ باسشىلىعى مەن قىزمەتكەرلەرىنىڭ جەمقورلىق ىس-ارەكەتىنىڭ جولىن كەستى، دەپ حابارلايدى Almaty-akshamy.kz ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ.
ءىس فيگۋرانتتارى ايماقتاعى كاسىپكەردەن اسا ءىرى كولەمدە قارجى بوپسالادى دەگەن كۇدىكپەن قاماۋعا الىندى.
بۇل فاكتى بويىنشا ماتەريالدار قىلمىستىق كودەكستىڭ 366-بابى 3-بولىگى 1-تارماعى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى.
تەرگەۋ ءىس-شارالارىنىڭ جۇرگىزىلۋىنە بايلانىستى وزگە اقپارات جاريا ەتىلمەيدى. جەدەل-تەرگەۋ ءىس-شارالارى جالعاسۋدا.