اسقار مارات ۇلى 1 اقپان كۇنى كومپانياداعى جۇمىسى اياقتالاتىنىن ايتتى.
«قازاۆتوجول ۇك» اق باسقارما ءتوراعاسى اسقار مارات ۇلى قىزمەتىنەن كەتتى. بۇل تۋرالى بۇرىنعى باسشى Instagram-دا جازدى، دەپ حابارلايدى Almaty-akhsamy.kz Inbusiness.kz cىلتەمە جاساپ.
ونىڭ ايتۋىنشا، رەسپۋبليكالىق ماڭىزى بار 3،6 مىڭ شاقىرىم جولعا جوندەۋ جۇمىستارى جۇرگىزىلگەن.
«324 شاقىرىم جول پايدالانۋعا بەرىلدى. سونداي-اق، الماتىداعى «التىن وردا» بازارىنىڭ جول ايرىعىندا جول ءجۇرىسى قامتاماسىز ەتىلدى. قىزىلوردا-جەزقازعان جولىنىڭ قۇرىلىسى بويىنشا بارلىق كەلىسىم راسىمدەرى ءوتتى. جوبا بيىل باستالادى. جول بويىندا 20-دان اسا قىزمەت كورسەتۋ نىسانى اشىلدى. الەمنىڭ جەتەكشى بانكتەرىمەن ىنتىماقتاستىق تۋرالى بىرنەشە كەلىسىمگە، سونداي-اق ءىرى وتاندىق كومپانيالارمەن كوپجاقتى مەموراندۋمدارعا قول قويىلدى»، - دەپ جازدى باسقارما ءتوراعاسى.
ايتا كەتەيىك، 2021 جىلعى 22 ساۋىردە اسقار مارات ۇلى «قازاۆتوجول ۇك» اق باسقارما ءتوراعاسى قىزمەتىنە تاعايىندالعان ەدى.