يندۋستريا جانە ينفراقۇرىلىمدىق دامۋ ءمينيسترىنىڭ بۇيرىعىمەن مەيىرحات قاسىمبايەۆ «قازاۆتوجول» ۇك» اق باسقارما ءتوراعاسى قىزمەتىنە تاعايىندالدى، دەپ حابارلايدى Almaty-akshamy.kz
ول 1980 جىلدىڭ 21 ساۋىرىندە شىعىس قازاقستان وبلىسىندا دۇنيەگە كەلگەن.
ەكونوميكا عىلىمدارىنىڭ كانديداتى. قازاق مەملەكەتتىك زاڭ اكادەمياسىن، قازاق گۋمانيتارلىق زاڭ ۋنيۆەرسيتەتىن بىتىرگەن. زاڭگەر جانە قارجىگەر ماماندىعىنىڭ يەسى.
لوندون ەكونوميكا جانە ساياساتتانۋ مەكتەبىندە مەملەكەتتىك باسقارۋ كۋرستارىنان ءوتىپ، سينگاپۋردا بىلىكتىلىگىن ارتتىرعان.
مەيىرحات قاسىمبايەۆ 11 جىل قۇقىق قورعاۋ ورگاندارىندا جانە مەملەكەتتىك قىزمەت قۇرىلىمدارىندا ءتۇرلى لاۋازىمداردا قىزمەت ەتتى. جول جانە ينفراقۇرىلىمدىق قۇرىلىس سالاسىنداعى ەڭبەك ءوتىلى 10 جىلدان اسادى.
مەملەكەتتىك ناگرادالار مەن العىس حاتتارى بار. سونىمەن قاتار ول – اۋىلدان كەلگەن وقۋشىلارعا قولداۋ كورسەتەتىن IQanat ءبىلىم بەرۋ قورىنىڭ قامقورشىسى.