بۇل تۋرالى يندۋستريا جانە ينفراقۇرىلىمدىق دامۋ مينيسترلىگى (ييدم) حابارلادى.
يندۋستريا جانە ينفراقۇرىلىمدىق دامۋ مينيسترلىگى ەكى جول وپەراتورىن بىرىكتىرۋ بويىنشا ۇكىمەت قاۋلىسىنىڭ جوباسىن دايىندادى، دەپ حابارلايدى Almaty-akshamy.kz.
جوبادا «قازاۆتوجول» ۇلتتىق كومپانياسى «كازاحاۆتودور» جشس-داعى مەملەكەتتىك ۇلەستى ساتىپ الۋ جولىمەن ۇلتتىق كومپانيانى ءبىرىڭعاي اۆتوجول وپەراتورى رەتىندە قايتا قۇرۋ قاراستىرىلعان.
«وسىلايشا، قازىرگى ۋاقىتتا «قازاۆتوجول» جانە «كازاحاۆتودور» ءبىرىڭعاي جول كومپانياسىنا بىرىكتىرىلدى. قولعا الىنعان شارالار رەسپۋبليكالىق ماڭىزى بار جولداردى تاۋلىك بويى كۇتىپ ۇستاۋدى قامتاماسىز ەتۋدە جەدەل ءارى ناقتى شەشىم قابىلداۋعا ۇلكەن سەپتىگىن تيگىزبەك»، دەلىنگەن حابارلامادا.
ەسكە سالا كەتەيىك، بيىل شىلدەدە مەملەكەت باسشىسى قاسىم-جومارت توقايەۆ ۇكىمەتتىڭ كەڭەيتىلگەن وتىرىسىندا «قازاۆتوجول» مەن «كازاحاۆتودوردى» بىرىكتىرىپ، ءبىرتۇتاس اۆتوجول كومپانياسىن قۇرۋدى تاپسىرعان بولاتىن.