ءوزىڭىزدىڭ جانە باسقالاردىڭ دا قاۋىپسىزدىگى ساقتىق شارانى ساقتاپ، مۇقيات بولۋىڭىزعا بايلانىستى.
QazAvtoJol اۋا رايىنىڭ بۇزىلۋىنا جانە داۋىلدى ەسكەرتۋدىڭ جاريالانۋىنا بايلانىستى جولدا قاۋىپسىزدىكتى ساقتاۋ تۋرالى ەسكە سالدى، دەپ حابارلايدى inbusiness.kz سايتى.
1. جىلدامدىقتى ازايتىڭىز: جازعى داۋىل كەزىندە قاتتى جاڭبىر مەن جەل بولۋى مۇمكىن. ونىڭ سالدارىنان جول كورىنبەي، قوزعالىس ناشارلايدى. جىلدامدىقتى ازايتىپ جانە ءقاۋىپسىز اراقاشىقتىقتى ساقتاڭىز.
2. كەنەتتەن مانيەۆر جاساماڭىز: دىمقىل جولدا كولىكتى كەنەت بۇرۋ جانە تەجەگىشتى باسۋ ونىڭ سىرعاناۋىنا اكەلۋى مۇمكىن. كولىكتى ەركىن جۇرگىزىڭىز.
3. جارىقتى جاعىپ ءجۇرىڭىز: جول ناشار كورىنەتىن كەزدە جاقىن جارىق پەن تۇمانعا قارسى جارىقتى قوسىپ ايداڭىز. سەبەبى باسقا جۇرگىزۋشىلەرگە ءسىزدىڭ كولىگىڭىز كورىنۋى ءتيىس.
4. تەرەزە تازالاعىشتىڭ جارامدىلىعىن تەكسەرىپ، جۋعىش سۇيىقتىقتى تولتىرىپ الىڭىز. جاۋىن كەزىندە سىزگە جول جاقسى كورىنەتىن بولادى.
5. جولداعى سىنىقتارعا دايىن بولىڭىز: قاتتى جەل اعاشتى قۇلاتىپ، ونىڭ سىنىقتارى جولدا شاشىلىپ جاتۋى مۇمكىن. سوندىقتان مۇقيات قاراپ، كەدەرگىلەردەن اۋلاق بولىڭىز.
6. سۋ باسقان ۋچاسكەلەردى بايقاڭىز: ەشقاشان تەرەڭ سۋ ارقىلى وتپەڭىز. سۋدان شۇڭقىرلار كورىنبەي، كولىگىڭىزگە زاقىم كەلۋى مۇمكىن.
7. اۋا رايىن باقىلاپ، جولدىڭ جاعدايى تۋرالى حابارلامالاردى قاراپ وتىرىڭىز. وزەكتى ەسكەرتۋلەر مەن ۇسىنىستار بويىنشا حاباردار بولىڭىز.
8. ءقاۋىپسىز جەرگە توقتاڭىز: داۋىل كۇشەيەتىن بولسا، وندا اعاشتار مەن ەلەكتر جەلىسىنەن ءقاۋىپسىز جەرگە توقتاپ، اۋا رايىنىڭ جاقسارعانىن كۇتىڭىز.