ەلەكتر ەنەرگياسى 31،4%-كە قىمباتتاعان.
بيىلعى جىلدىڭ ءبىرىنشى توقسانىندا قازاقستاندىقتار كوممۋنالدىق قىزمەتتەرگە، تۇرعىن ءۇيدى ۇستاۋعا جانە جوندەۋگە ورتا ەسەپپەن 59،6 مىڭ تەڭگە جۇمساعان، دەپ حابارلايدى Almaty-akshamy.kz Energyprom.kz مالىمەتتەرىنە سىلتەمە جاساپ.
قازاقستاندىق وتباسىلاردىڭ كوممۋنالدىق قىزمەتتەرگە، تۇرعىن ءۇيدى كۇتىپ ۇستاۋعا جانە جوندەۋگە جۇمساعان شىعىندارى ءبىر جىلدا 11%-عا ءوستى.
"بيىلعى جىلدىڭ ءبىرىنشى توقسانىندا قازاقستاندىقتار كوممۋنالدىق قىزمەتتەرگە، تۇرعىن ءۇيدى ۇستاۋعا جانە جوندەۋگە ورتا ەسەپپەن 59،6 مىڭ تەڭگە جۇمسادى، بۇل وتكەن جىلدىڭ ءبىرىنشى توقسانىمەن سالىستىرعاندا 10،8%-عا كوپ"، - دەپ جازىلعان حابارلامادا.
اسىرەسە ەلوردا تۇرعىندارىنىڭ شىعىنى كوپ، ولار 103،7 مىڭ تەڭگە جۇمسايدى. بۇل وتكەن جىلعى قاڭتار - ناۋرىزبەن سالىستىرعاندا 6،5%-عا جانە ەل بويىنشا ورتاشا كورسەتكىشتەن 73،8%-عا ارتىق.
سونداي-اق الماتى مەن قاراعاندى وبلىسىنىڭ تۇرعىندارى دا ءۇي شارۋاشىلىعىنا قاراجاتتى كوپ جۇمسايدى. ال كوممۋنالدىق قىزمەتتەر، تۇرعىن ءۇيدى كۇتىپ ۇستاۋ جانە جوندەۋ ءۇشىن اباي، شىعىس قازاقستان جانە اتىراۋ وبلىستارىنىڭ تۇرعىندارى اقشانى ەڭ از جۇمسايدى.
بيىل مامىردا ءۇي قىزمەتتەرىنە، سۋعا، ەلەكتر ەنەرگياسىنا، گازعا جانە باسقا دا وتىن تۇرلەرىنە باعا ءبىر ايدا 0،9%-عا، ال ءبىر جىلدا 17،6%-عا وسكەن:
قوقىس شىعارۋ قىزمەتتەرى - 6،1%؛
ەلەكتر ەنەرگياسىنىڭ قۇنى - 1،8%؛
تۇرعىن ءۇي-جايلارعا قىزمەت كورسەتۋ جانە جوندەۋ قىزمەتتەرى - 1،7%؛
سۋ بۇرۋ قىزمەتتەرىنىڭ قۇنى - 0،2% ءوستى.
ءبىر جىلدا:
سۋ بۇرۋ قىزمەتتەرى - 43،9%؛
سۋىق سۋ - 35،9%؛
ىستىق سۋ - 35%؛
جىلىتۋ - 33%؛
ەلەكتر ەنەرگياسى 31،4%-عا قىمباتتادى.