قازاقتىڭ وپەرا ءانشىسى الەمدىك جوباعا قاتىستى

وپەرا ءانشىسى الەمدىك جوبادا ونەر كورسەتتى

قازاقستاندىق وپەرا ءانشىسى الەم جۇلدىزدارىمەن بىرلەسكەن جوباعا قاتىستى، دەپ حابارلايدى Almaty-akshamy.kz. Qazaqtv.com سايتىنا سىلتەمە جاساپ. 

قازاقستاننىڭ ۆوكالدىق كلاسسيكالىق ونەرى تاريحىنداعى بىرەگەي وقيعا. رەسپۋبليكانىڭ ەڭبەك سىڭىرگەن قايراتكەرى، «استانا وپەرا» تەاترىنىڭ وپەرا ترۋپپاسىنىڭ ديرەكتورى ازامات جىلتىركوزوۆ الەمدىك دەڭگەيدەگى جوباعا قاتىسىپ، ۆينچەنسو بەللينيدىڭ «پۋريتاندار» شىعارماسىنىڭ اۋديوجازباسىن ازىرلەۋگە ۇلەس قوستى.

اتاقتى تۋىندىنى قازاقستاندىق ونەرپازبەن بىرگە تەنور لوۋرەنس براۋنلي جانە سوپرانو سارا كوبۋرن سىندى بەلكانتو جۇلدىزدارى ورىندادى. شەتەلدىك ساراپشىلاردىڭ ايتۋىنشا، ىرىكتەلگەن قۇرامنان ەڭ مىقتى ۇجىم قالىپتاستى.

CD-ديسك جازۋ يدەياسى – نيۋ-يورك وپەراسىنىڭ مۋزىكالىق ديرەكتورى كونستانتين وربەلياننىڭ باستاماسى.

«ۆينچەنسو بەللينيدىڭ «پۋريتاندار» اۋديوجازباسىندا ريكاردو پارتياسىن ورىندادىم. مەنىمەن بىرگە امەريكالىق جانە ەۋروپالىق انشىلەر دە قاتىستى»، - دەدى «استانا وپەرا» وپەرا ترۋپپاسىنىڭ ديرەكتورى ازامات جىلتىركوزوۆ.