ءالي ءجۇسىپوۆ ەۋرازيا ۇلتتىق ۋنيۆەرسيتەتىنىڭ مەحانيكا-ماتەماتيكا فاكۋلتەتىن ماتەماتيكالىق جانە كومپيۋتەرلىك مودەلدەۋ ماماندىعى بويىنشا ءتامامداعان، دەپ حابارلايدى Almaty-akshamy.kz Inform.kz-كە سىلتەمە جاساپ.
ول Google كومپانياسىنان شاقىرۋ الىپ، بيىلعى قىركۇيەك ايىنان باستاپ سيۋريحتەگى كەڭسەسىندە باعدارلاماشى-قۇراستىرۋشى بولىپ جۇمىس ىستەپ جاتىر.
ءالي بۇعان دەيىن ياندەكستە تاعىلىمدامادان ءوتىپ، سونىمەن قاتار «سبەر» كومپانياسىندا باعدارلاماشى-ازىرلەۋشى رەتىندە ەڭبەكتەنىپ ۇلگەردى.
دارىندى ستۋدەنت ەۇۋ-دا وقىعان جىلدارى باعدارلامالاۋ سالاسى بويىنشا كوپتەگەن حالىقارالىق وليمپيادا مەن جارىستاردا جەڭىمپاز اتانىپ، سونداي-اق شاحمات پەن باسكەتبولعا اۋەس بولدى.
بۇگىندە ەۇۋ تۇلەكتەرىنىڭ كوپشىلىگى وتاندىق جانە شەتەلدىك IT-كومپانيالاردا تابىستى ەڭبەك ەتىپ ءجۇر.
ەۇۋ مەحانيكا-ماتەماتيكا فاكۋلتەتى باكالاۆريات، ماگيستراتۋرا جانە دوكتورانتۋرا بويىنشا 15 ءبىلىم باعدارلاماسى اياسىندا جوعارى بىلىكتى مامانداردى دايارلايدى.
سۋرەت: Inform.kz