ءبىرتۋار ازامات ومىردەن ءوتتى
قازاقتىڭ بەلگىلى اقىنى، جازۋشى، قازاقستاننىڭ ەڭبەك سىڭىرگەن قايراتكەرى رافاەل نيازبەك دۇنيە سالدى، دەپ حابارلايدى Almaty-akshamy.kz.
الماتى تەلەارناسىنىڭ حابارلاۋىنشا، اقپاراتتى قازاقستان جازۋشىلار وداعى راستادى.
رافاەل نيازبەك 1978 جىلى قازاق ۇلتتىق ۋنيۆەرسيتەتىنىڭ فيلولوگيا فاكۋلتەتىن تامامداعان.
1967 جىلى قازاق راديوسىنىڭ ادەبيەت رەداكسياسىندا قىزمەتكە ورنالاسقان.
1971-1977 جىلدارى «جۇلدىز» جۋرنالىندا، 1977-1991 جىلدارى «جازۋشى» باسپاسىندا رەداكتور بولىپ ىستەگەن.
1972 جىلى سىنشىلاردىڭ بۇكىلوداقتىق كەڭەسىنە قاتىسقان. قازاقستان جازۋشىلار وداعىنىڭ I. جانسۇگىروۆ اتىنداعى سىيلىعىنىڭ يەگەرى. شەشەنستان رەسپۋبليكاسى جوعارعى مەملەكەتتىك «ۇلت نامىسى» وردەنىنىڭ يەگەرى. شەشەنستان مەملەكەتتىك سىيلىعىنىڭ لاۋرەاتى. ب. مومىش ۇلىنىڭ 90 جىلدىعىنا ارنالعان رەسپۋبليكالىق اقىندار ءمۇشايراسىنىڭ باس جۇلدەگەرى. تاراز قالاسىنىڭ 2000 جىلدىعىنا ارنالعان رەسپۋبليكالىق اقىندار ءمۇشايراسىنىڭ ءبىرىنشى جۇلدەگەرى.