الماتىدا ەتنوگراف وزبەكالى جانىبەكوۆكە ارنالعان كونفەرەنسيا ءوتتى
قازاقستان رەسپۋبليكاسىنىڭ ۇلتتىق كىتاپحاناسىندا مەملەكەت جانە قوعام قايراتكەرى، ەتنوگراف وزبەكالى جانىبەكوۆكە ارنالعان كونفەرەنسيا ءوتتى. ونىڭ باسشىلىعىمەن ونداعان مۇراجاي اشىلدى. قازاقستاندا مۇراجاي ءىسىنىڭ قالىپتاسۋىنا ايتارلىقتاي اسەر ەتتى.
كونفەرەنسيا بارىسىندا مادەنيەت قايراتكەرلەرى، بيزنەس وكىلدەرى مەن جاستار قازىرگى قوعامنىڭ دامۋىنداعى ۇلتتىق مادەنيەتتىڭ ماڭىزدىلىعىن تالقىلادى.
سونىمەن قاتار، قاتىسۋشىلار ءۇشىن كورمە ۇيىمداستىرىلىپ، وندا قازاقستان رەسپۋبليكاسىنىڭ ۇلتتىق كىتاپحاناسى قورىنان كىتاپتار، وزبەكالى جانىبەكوۆتىڭ ءومىرى مەن قىزمەتى تۋرالى باياندايتىن قازاقستاننىڭ تۇكپىر-تۇكپىرىنەن اكەلىنگەن مۇراجايلار قورىنىڭ قۇندى جادىگەرلەرى قويىلدى.
وزبەكالى جانىبەكوۆتىڭ ارقاسىندا بىرەگەي ەسكەرتكىشتەر – قوجا احمەت ياسساۋي، تاجىك، قاراحان، ايشا ءبيبى، اق ۇيىق جانە باباجى-قاتۋن كەسەنەلەرى، جاركەنت مەشىتى مەن وتىرار ارحەولوگيالىق ەسكەرتكىشتەرى ساقتالىپ، قالپىنا كەلتىرىلدى.
