16 تامىزدا الماتىنىڭ رەسپۋبليكا سارايىندا "قازاقستاننىڭ ۇزدىك تاۋارى" رەسپۋبليكالىق بايقاۋ-كورمەسىنىڭ ايماقتىق كەزەڭى وتەدى، - دەپ حابارلايدى اqshamnews.kz ءتىلشىسى.
ءىس-شارانى الماتى قالاسى اكىمدىگى مەن "اتامەكەن" ق ر ۇلتتىق كاسىپكەرلەر پالاتاسى بىرلەسىپ وتكىزەدى. ماقسات – وتاندىق تاۋار وندىرۋشىلەردى قولداۋ جانە ىلگەرىلەتۋ، شاعىن جانە ورتا بيزنەستى دامىتۋ، ساپالى ءارى باسەكەگە قابىلەتتى ونىمدەر ارقىلى نارىقتى تولىقتىرۋ، وتاندىق تاۋار تۇتىنۋ مادەنيەتىن قالىپتاستىرۋ.
بايقاۋ ءۇش نوميناسيا بويىنشا وتەدى:
• وندىرىستىك ماقساتتاعى ۇزدىك تاۋارلار؛
• حالىق تۇتىناتىن ۇزدىك تاۋارلار؛
• ۇزدىك ازىق-تۇلىك تاۋارلارى.
ءار نوميناسيادا ءۇش جەڭىمپاز انىقتالادى. بيىل الماتى قالاسىنان ءتۇرلى ءوندىرىس سالاسىندا جۇمىس ىستەيتىن 63 كومپانيا قاتىسادى.
ايماقتىق كەزەڭنىڭ جەڭىمپازدارى رەسپۋبليكالىق فينالعا جولداما الىپ، "قازاقستاننىڭ ۇزدىك تاۋارى" اتاعىنا ۇمىتكەر بولا الادى. قوناقتار ءۇشىن كەڭ كولەمدى كورمە، كونسەرتتىك باعدارلاما جانە ماراپاتتاۋ ءراسىمى وتەدى.
"قازاقستاننىڭ ۇزدىك تاۋارى" ۇلتتىق بايقاۋى 2006 جىلدان ق ر پرەزيدەنتىنىڭ جارلىعى بويىنشا وتكىزىلىپ كەلەدى.
سونىمەن قاتار، كورمە اياسىندا الماتىنىڭ 40 ءوندىرۋشىسىنىڭ (شوب جانە جەكە كاسىپكەرلەر) جەرگىلىكتى نەمەسە ايماقتىق رەسۋرستاردان جاسالعان ونىمدەر ۇسىنىلاتىن "ءبىر اۋىل – ءبىر ءونىم" (ءبابو) جوباسى بويىنشا جارمەڭكە وتەدى.
جارمەڭكە قورىتىندىسى بويىنشا ۇيىمداستىرۋشىلار 10 ۇزدىك ءوندىرۋشىنى ىرىكتەپ الىپ، ولاردى وڭىرلىك برەند-كوميتەتتىڭ ىرىكتەۋىنە جىبەرەدى.
"ءبىر اۋىل – ءبىر ءونىم" جوباسى "اتامەكەن" ۇكپ-مەن ق ر ۇلتتىق ەكونوميكا مينيسترلىگىنىڭ تاپسىرىسى بويىنشا "مەن كاسىپكەر" باعدارلاماسىنىڭ "كاسىپكەرلىك الەۋەتتى دامىتۋ" قۇرالى اياسىندا جۇزەگە اسىرىلادى.
جوبانىڭ ماقساتى – بىرەگەي جەرگىلىكتى ءونىمدى (بال، توساپ، توقىما، كادەسىي) برەندپەن جانە قاپتامامەن شىعارۋ، ءوندىرىستى دامىتۋ، سونىڭ ىشىندە اۋىلدىق جەرلەردە؛ شاعىن بيزنەستى، قولونەرشىلەردى، ايەلدەر مەن وتباسىلىق كاسىپتى قولداۋ؛ سونداي-اق جالپى ءوڭىردىڭ دامۋىنا، جۇمىسپەن قامتۋعا جانە ەكسپورتقا ۇلەس قوسۋ.
قايدا جانە قاشان؟
وتەتىن ورنى: الماتى ق.، رەسپۋبليكا سارايى
كۇنى مەن ۋاقىتى: 2025 جىلدىڭ 16 تامىزى، ساعات 11:00-20:00