الماتى اكىمى دارحان ساتىبالدى جۇمىس ساپارى بارىسىندا ورتالىق ساياباقتاعى جاڭارتۋ جۇمىستارىمەن تانىستى.
سوڭعى جىلدارى ساياباقتا ءبىرقاتار يگى ىستەر اتقارىلدى: جاڭا فۋد-كورت سالىندى، سپورت جانە بالالار الاڭدارى، سكەيت-پارك پايدالانۋعا بەرىلدى. سۋبۇرقاقتار مەن جارىقتاندىرۋ جۇيەسى جاڭارتىلىپ، جاياۋ جۇرگىنشىلەر جولدارىنىڭ 70 پايىزدان استامى رەتكە كەلتىرىلدى. 10 مىڭنان استام اعاش پەن بۇتا وتىرعىزىلدى.
دەگەنمەن، ساياباقتىڭ كەيبىر اۋماقتارى ەسكىرگەن جانە جوندەۋدى قاجەت ەتەدى. وسىعان بايلانىستى قالا اكىمى جاڭعىرتۋ جۇمىستارىن جالعاستىرۋدى تاپسىردى. ماقسات – تۇرعىنداردىڭ سۇيىكتى دەمالىس ورنىن بۇرىنعىدان دا جايلى ەتۋ.
بۇل جۇمىستار «تازا قازاقستان» ەكولوگيالىق باعدارلاماسىنىڭ اياسىندا دا جۇزەگە اسىرىلادى. باعدارلاما قالاداعى جاسىل ايماقتاردى كوبەيتۋگە، ەكولوگيالىق جاعدايدى جاقسارتۋعا جانە تۇرعىنداردىڭ سالاۋاتتى ءومىر سالتىن قولداۋعا باعىتتالعان.