ۇكىمەتتە پرەمەر-مينيستردىڭ ورىنباسارى سەرىك ءجۇمانعاريننىڭ توراعالىعىمەن وتكەن وتىرىستا اۋىل شارۋاشىلىعى جانۋارلارىن قاداعالاۋ جۇيەسىن جەتىلدىرۋ پروسەسى تالقىلاندى.
«ەتتى ۆەتەريناريالىق-سانيتاريالىق ساراپتاۋ» جاڭا ءمودۋلىنىڭ ارقاسىندا اۋىل شارۋاشىلىعى جانۋارلارىن بىردەيلەندىرۋ اقپارات جۇيەسىندە (اشجب) مال سويۋ ورىندارىندا ساراپتاما اكتىسى مەن انىقتاما بەرۋ جانە جانۋاردىڭ ومىرلىك سيكلى تۋرالى اقپارات جينالعان QR-كود جاساۋ پروسەسى سيفرلاندىرىلدى.
بۇل QR ەت ساتىلاتىن ورىندارعا ورنالاستىرىلادى، ول جانۋارلاردى ۆەتەريناريالىق تەكسەرۋسىز جانە ەت مەن ورگانداردى تەكسەرمەي مال سويۋدىڭ الدىن الۋعا مۇمكىندىك بەرەدى. جاڭا مودۋل الماتى، پاۆلودار جانە جەتىسۋ وبلىستارىندا پيلوتتىق رەجيمدە سىنالىپ جاتىر، دەپ حابارلايدى Almaty-akshamy.kz ق ر پرەمەر-مينيسترىنىڭ رەسمي اقپاراتتىق رەسۋرسىنا سىلتەمە جاساپ.
بۇل ءتاسىل شەكارالىق وتكىزۋ بەكەتتەرىندە دە ەنگىزىلدى. كەلىپ تۇسكەن جۇكتەر تۋرالى مالىمەتتەر اقپارات جۇيەسىنە ەنگىزىلەدى، تەكسەرۋ جانە سىناما الۋ اكتىلەرىنىڭ ەلەكتروندىق نۇسقاسىن قالىپتاستىرادى، ولار مەملەكەتتىك ۆەتەريناريالىق ينسپەكتورعا جانە ۆەتەريناريالىق زەرتحانا قىزمەتكەرىنە جىبەرىلەدى. جۇيە پاۆلودار وبلىسىنىڭ شەكارا ماڭىنداعى بەكەتتەرىندە تەستىلەۋدەن ءساتتى ءوتتى.
«ەل اۋماعىندا مال سوياتىن 904 نىسان بار، ونىڭ ىشىندە 109-ى – ەت وڭدەۋ كاسىپورنى، 281ء-ى – مال سويۋ پۋنكتى جانە 514 مال سويۋ الاڭى. ۆەتەريناريالىق تالاپتارعا سايكەس كەلمەگەندىكتەن، 106 مال سويۋ نىسانى جابىلدى، 2023 جىلعى قاڭتار-قازان ايلارى ارالىعىندا 661 مال سويۋ الاڭىنىڭ ەسەپ نومىرلەرى كەرى الىندى»، — دەدى اۋىل شارۋاشىلىعى ۆيسە-مينيسترى امانگاليي بەردالين.
سونىمەن قاتار ۆيسە-مينيستر بارلىق ءىرى اۋىلدىق وكرۋگتە ۆەتەريناريالىق-سانيتاريالىق ساراپتاما زەرتحاناسى بار مال سويۋ پۋنكتىلەرىن اشۋ قاجەتتىگىن اتاپ ءوتتى.
«مال سويۋ الاڭدارى وتپەلى كەزەڭدە ءماجبۇرلى شارا رەتىندە اشىلعاندىقتان، ءقازىر زاڭناماعا وزگەرىستەر ەنگىزۋ ماقساتىندا جۇمىس ىستەپ جاتىرمىز، سودان كەيىن مال سويۋ الاڭدارى جويىلاتىن بولادى»، — دەدى اۋىل شارۋاشىلىعى ۆيسە-مينيسترى.
سونىمەن قاتار كەڭەستە امانگاليي بەردالين قازاقستان اۋماعىندا جانۋارلار مەن قۇستاردى جوسپار بويىنشا دياگنوستيكالاۋ جانە ۆاكسينالاۋ تۋرالى ايتتى. دياگنوستيكالىق جانە پروفيلاكتيكالىق ءىس-شارالار تۋرالى بارلىق مالىمەت اشجب بازاسىنا ەنگىزىلگەن. ناتيجەسىندە سوڭعى جىلى ەلىمىزدە ءقاۋىپتى اۋرۋلار وشاقتارى 38%-عا تومەندەگەن.
شەگىرتكەگە قارسى كۇرەسكە دايىندىق تۋرالى اۋىل شارۋاشىلىعى ۆيسە-مينيسترى ازات سۇلتانوۆ باياندادى. سوڭعى جىلدارى اقتوبە جانە قوستاناي وبلىستارىندا زيانكەستەردىڭ تارالۋ الاڭدارى ءوستى (1 ملن گا نەمەسە رەسپۋبليكا بويىنشا جالپى الاڭنىڭ 69%-ى). 2023-2024 جىلدارى شەگىرتكە تارالۋىنىڭ 11 جىلداعى رەكوردتىق كورسەتكىشى ورىن الىپ وتىر. ەگىستىك جەرلەردى شەگىرتكەدەن ۋاقىتىلى ساقتاۋ ءۇشىن الدىن الا مەملەكەتتىك ساتىپ الۋ جوسپارى جاسالىپ، كونكۋرستار جاريالاندى. وڭتۇستىك وڭىرلەردە قاجەتتى جۇمىستاردى ءساۋىر ايىندا، سولتۇستىكتە مامىردا باستاۋ جوسپارلانىپ وتىر.
كەڭەس قورىتىندىسى بويىنشا سەرىك جۇمانعارين اۋىل شارۋاشىلىعى مينيسترلىگىنە وبلىس اكىمدىكتەرىمەن بىرگە مال سويۋداعى جاڭاشىلدىقتار، ولاردىڭ ارتىقشىلىقتارى بويىنشا تۇرعىندار اراسىندا كەڭ اۋقىمدى اقپاراتتىق جۇمىس جۇرگىزۋدى تاپسىردى. سونداي-اق ەگىستىك جەرلەردى شەگىرتكەدەن ۋاقىتىلى وڭدەۋ ءۇشىن بارلىق قاجەتتى پروسەدۋرانى جەدەل جۇرگىزۋدى تاپسىردى.