ەرتە پىسكەن پياز كەلەسى اپتادا كەلۋى ءتيىس.
قازاقستاننىڭ الماتى، اقتوبە جانە قىزىلوردا وبلىستارى ەرتە پىسكەن تاجىك پيازىن ساتىپ الۋدان باس تارتتى، دەپ حابارلايدى اlmaty-akshamy.kz.
قازاقستان رەسپۋبليكاسىنىڭ 10 وبلىسى – باتىس قازاقستان، شىعىس قازاقستان، اقمولا، تۇركىستان، اباي، جەتىسۋ جانە جامبىل وبلىستارى تاجىكستاننان جالپى كولەمى 260 توننا ەرتە پىسكەن پيازدى ءبىرىنشى جەتكىزۋگە كەلىسىمشارتقا وتىردى. قورىتىندىلاۋ ساتىسىندا – اتىراۋ، قاراعاندى، سولتۇستىك قازاقستان وبلىسى جانە الماتى قالاسى. العاشقى جەتكىزىلىمدەر 18-19 مامىردا 180 توننا كولەمىندە بولادى دەپ كۇتىلۋدە.
سونداي-اق، قازاقستاننىڭ 11 وبلىسى قازاقستاندىق القاپتاردان جالپى كولەمى 2198 توننا ەرتە قىرىققاباتتى جەتكىزۋگە كەلىسىم-شارتقا وتىرسا، ءۇش وبلىس نيەت تۋرالى كەلىسىمگە قول قويدى. بۇل كوكونىستى جەتكىزۋگە استانا قالاسى، اباي، اقمولا، اتىراۋ، جامبىل، ماڭعىستاۋ، تۇركىستان جانە ۇلىتاۋ وبلىستارى كەلىسىمشارت جاساماعان.
ق ر ساۋدا جانە ينتەگراسيا مينيسترلىگىنىڭ باسپا ءسوز قىزمەتى حابارلاعانداي، وتكەن جىلى جينالعان كوكونىستەردىڭ قالىپتاسقان قورىن ەسەپتەن شىعارۋ جۇمىستارى جالعاسۋدا.
وتكەن اپتادا الەۋمەتتىك ماڭىزى بار ونىمدەر باعاسىنىڭ جالپى يندەكسى 0،2%-عا ءوستى. نەگىزگى ماۋسىمدىق ءوسىم تاۋارلاردىڭ كوكونىس توبىنا كەلدى: قىرىققابات (9،7%)، پياز (3،0%)، كارتوپ (2،4%)، ءسابىز (2،2%).
ءۇشىنشى اي قاتارىنان قاراقۇمىق جارماسى باعاسىنىڭ تومەندەۋ ءۇردىسى جالعاسۋدا – اپتا ىشىندەگى كورسەتۋىش 2،1% (2023ج. 4 ايىندا -20،6%). وتكەن اپتادا ۇن باعاسىنىڭ جالپى يندەكسى – 1،5%، جۇمىرتقا – 0،7%، كۇنباعىس مايى -0،2% (2023 ج. ايدا -4،7%) تومەندەدى، ءسۇت جانە روجكي -0،2%، تاۋىق ەتى مەن تۇز - 0،3%، كۇرىش پەن قانت – 0،1%.
2023 جىلعى 12 مامىرداعى جاعداي بويىنشا ەلىمىزدىڭ 10 ءوڭىرى تاجىكستاننان جالپى كولەمى 260 توننا ەرتە پيازدى العاشقى جەتكىزۋگە كەلىسىمشارت جاساستى. بۇل ۇلىتاۋ، قوستاناي، پاۆلودار، باتىس قازاقستان، شىعىس قازاقستان، اقمولا، تۇركىستان، اباي، جەتىسۋ، جامبىل وبلىستارى. كەلىسىمشارت جاساسۋ ساتىسىندا – اتىراۋ، قاراعاندى، سقو جانە الماتى قالاسى. ال الماتى، اقتوبە جانە قىزىلوردا وبلىستارى ەرتە تاجىك پيازىن ساتىپ الۋدان باس تارتتى. العاشقى جەتكىزىلىمدەر اعىمداعى جىلدىڭ 18-19 مامىرىندا 180 توننا كولەمىندە كۇتىلەدى.
11 ءوڭىر جالپى كولەمى 2 198 توننا قازاقستاندىق ەگىستىكتەردەن ەرتە قىرىققابات جەتكىزۋگە شارت جاساستى، نيەت شارتتارىن ءۇش ءوڭىر جاسادى. استانا، اباي، اقمولا، اتىراۋ، جامبىل، ماڭعىستاۋ، تۇركىستان، ۇلىتاۋ وبلىستارىن قىرىققابات جەتكىزۋگە شارت جاساسقان جوق.
وتكەن جىلعى ەگىننىڭ قالىپتاسقان كوكونىس قورلارىن شىعارۋ بويىنشا جۇمىس جالعاسۋدا. 10 مامىرداعى جاعداي بويىنشا ساتۋدىڭ جالپى كولەمى 73 504 توننانى قۇرادى، ونىڭ ىشىندە كارتوپ – 35 745 توننا، ءسابىز – 13 503 توننا، پياز – 13 737 توننا، قىرىققابات – 10 519 توننا. قورلاردىڭ جالپى كولەمى 139 466،7 توننانى قۇرايدى.
ينفلياسيا دەڭگەيىن سيپاتتايتىن تۇتىنۋ باعالارى يندەكسىنىڭ قۇرىلىمىندا ازىق-تۇلىك تاۋارلارى 41،8 پايىزدى، ازىق-تۇلىك ەمەس تاۋارلار 29،6 پايىزدى، اقىلى قىزمەتتەر 28،6 پايىزدى قۇرايدى. ازىق-تۇلىك تاۋارلارىنىڭ قۇرامىندا ءامات ۇلەسى 11،7%-عا تەڭ.