الماتىدا كەنەگە قارسى وڭدەۋ جۇمىستارىنىڭ ەكىنشى كەزەڭى باستالدى

دەزينسەكسيالاۋ 15 مامىر مەن 5 ماۋسىم ارالىعىندا جۇرگىزىلەدى.

​الماتى قالاسىندا اعىمداعى جىلدىڭ 15 مامىردان باستاپ جالپى اۋدانى  2424،54 گا بولاتىن ورماندى القاپتاردا، قالا ساياباقتارى مەن سكۆەرلەرىندە كەنەلەرگە قارسى دەزينسەكسيالىق وڭدەۋ جۇمىستارىنىڭ ەكىنشى كەزەڭى باستالدى، دەپ حابارلايدى اlmaty-akshamy.kz.

وڭدەۋ جۇمىستارىمەن 8 ورماندى القاپ (كولەمى - 1904،924 گا)، 144 قالا ساياباقتارى مەن سكۆەرلەرى (كولەمى – 519،616 گا) قامتىلادى جانە اۋا-رايىنا بايلانىستى (قۇرعاق، جاۋىن-شاشىنسىز كۇندەرى) كەستەگە سايكەس اعىمداعى جىلدىڭ 15 مامىرىنان 5 ماۋسىمعا دەيىن جۇرگىزىلەدى.

دەزينسەكسيالىق ءىس-شارانى  قالالىق  سانيتاريالىق-ەپيدەميولوگيالىق باقىلاۋ قىزمەتىنىڭ ماماندارىنىڭ تىكەلەي باقىلاۋىمەن «الماتى قالاسىنىڭ دەزينفەكسيا ورتالىعى» فيليالى اتقارادى. جاساقتالعان دەزبريگادالار قاجەتتى قۇرالدارمەن، كولىكتەرمەن جانە جەكە باس قورعانىش زاتتارىمەن جابدىقتالعان.

كەنە ەنسەفاليتىنە قارسى دەزينسەكسيالىق وڭدەۋ جۇمىستارىن جۇرگىزۋ ءۇشىن «فاۆوريت» اكاريسيدتىك پرەپاراتى قولدانىلادى. پرەپارات از ۋىتتى جانە قاۋىپتىلىگى تومەن ساناتقا جاتقىزىلادى (3-4 كلاسس). كەنەلەرمەن كۇرەسۋ ءۇشىن قولدانىلاتىن دوزالار ەڭ از جانە ادامدار مەن جانۋارلار ءۇشىن ءقاۋىپسىز بولىپ تابىلادى. وڭدەۋ جۇمىستارى تاڭەرتەڭگىلىك ساعاتتاردا جۇرگىزىلەدى. وڭدەلەتىن اۋماقتاردىڭ شەكارالارىندا «كەنەگە قارسى وڭدەۋ جۇرگىزىلۋدە» ەسكەرتۋ حابارلامالارى بار تاقتالار ورناتالادى.

الماتى قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتى