ۇلتتىق پاۆيلون قازاقستاندىق وندىرۋشىلەرگە ءوز ءونىمىن ينتەرنەت ارقىلى كەدەرگىسىز ساتىپ، جارنامالاۋعا مۇمكىندىك بەرەدى.
Alibaba.com ساۋدا پلاتفورماسىندا قازاقستاننىڭ ۇلتتىق پاۆيلونى اشىلدى، دەپ حابارلايدى Almaty-akshamy.kz
پاۆيلوننىڭ اشىلۋىنا وراي Zoom-كونفەرەنسيا فورماتىندا وتكەن جيىنعا ق ر ساۋدا جانە ينتەگراسيا ۆيسە-مينيسترى قايرات تورەبايەۆ، QazTrade اق باس ديرەكتورى اازامات اسقار ۇلى، Alibaba.com ۆيسە-پرەزيدەنتى ەندريۋ جەنگ قاتىستى.
ۆيسە-مينيستر قايرات تورەبايەۆ بۇگىنگى تاڭدا ەلەكتروندىق كوممەرسيا قارقىندى دامىپ كەلە جاتقانىن، قازاقستاننىڭ الەمدىك ترەندپەن بىرگە تىنىستاۋعا دايىن ەكەنىن اتاپ ءوتتى.
«Alibaba» الاڭىندا ۇلتتىق پاۆيلوننىڭ اشىلۋى شەتەلدىك ساتىپ الۋشىلار تاراپىنان قازاقستان ونىمدەرىنە جوعارى سۇرانىس بار ەكەنىن راستادى»، - دەدى ۆيسە-مينيستر.
ال «QazTrade» اق باس ديرەكتورى ازامات اسقار ۇلىنىڭ ايتۋىنشا، وتاندىق كومپانيالاردىڭ ءونىمىن ماركەتپلەيستەر ارقىلى تانىتۋ تيىمدىلىگىن كورسەتىپ وتىر. ەلەكتروندىق الاڭداردا ساۋدا جاساي باستاعان كومپانيالاردىڭ ساتۋ كورسەتكىشى جاقسارا تۇسكەن.
ءقازىر Alibaba.com بازاسىنداعى قازاقستاننىڭ ۇلتتى پاۆيلونىندا 130 قازاقستاندىق كومپانيا «التىن» مارتەبەلى جەتكىزۋشى رەتىندە تىركەلگەن. ولار 7500-دەن استام تاۋاردى عالامدىق پلاتفورما ارقىلى ساتىپ وتىر.
تمد مەن ەۋرازيالىق ەكونوميكالىق وداق ەلدەرىنىڭ اراسىندا قازاقستان رەسەي فەدەراسياسىنان كەيىن Alibaba.com الاڭىندا پاۆيلونىن اشقان ەكىنشى ەل Alibaba - اينالىمى 106 ملرد دوللار بولاتىن، «B2B» فورماتى ونلاين تاۋار ساتاتىن پلاتفورما.