«وميكرون» نۇسقاسىنىڭ جاڭا فورمالارى شىعىپ جاتىر.
ماماندار جاز باستالىسىمەن كوروناۆيرۋستىڭ جاڭا تولقىنى بولادى دەپ بولجاپ وتىر. سەبەبى ەۋروپا ەلدەرىندە كۆي جۇقتىرعاندار سانى ءوسىپ كەلە جاتىر، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
كوروناۆيرۋستىڭ جاڭا تولقىنى دەمالىس ماۋسىمىنا اسەر ەتەرى ءسوزسىز. ستاتيستيكاعا ارنالعان «Our World in Data» سايتىنىڭ دەرەكتەرى بويىنشا پورتۋگاليا، گەرمانيا، فرانسيا، يتاليا، يسپانيا، گرەسيا، دانيا جانە نيدەرلاندىدا كوروناۆيرۋستى جۇقتىرۋدىڭ سانى ەداۋىر ارتۋدا.
پورتۋگاليا
پورتۋگاليا مامىر ايىنىڭ ورتاسىنان باستاپ ينفەكسيانىڭ وسۋىمەن كۇرەسۋدە. ەلدە ءالى كۇنگە دەيىن ەۋروپادا تىركەلگەن ينفەكسيانى جۇقتىرۋ جاعدايلارىنىڭ ەڭ جوعارى اپتالىق كورسەتكىشى ساقتالۋدا. «وميكروننىڭ BA.5» جاڭا قوسىمشا نۇسقاسى كوروناۆيرۋستىڭ تارالۋ كورسەتكىشىنىڭ جوعارىلاۋىنا سەبەپ بولدى. پورتۋگاليادا 90% انىقتالعان جۇقتىرۋ جاعدايلارى ءقازىر وسى ۆيرۋستىڭ تۇرىنەن تۋىنداعان.
«پورتۋگاليادا جۇقتىرۋدىڭ اپتالىق ينديكاتورىمەن بىرگە ءولىم-جىتىم دە ءوستى. «Our World in Data» مالىمەتتەرىنە سايكەس، ەلدە بارلىق باتىس ەۋروپا ەلدەرىنىڭ حالقى اراسىندا تۇرعىندار سانىن ەسەپكە العانداعى ەڭ جوعارى ءولىم-جىتىم بولىپ تابىلادى»،- دەلىنگەن حابارلامادى.
گەرمانيا
گەرمانيادا 100 000 تۇرعىنعا شاققانداعى سىرقاتتانۋشىلىقتىڭ اپتالىق كورسەتكىشى 400-دەن اسادى. روبەرت كوحا اتىنداعى ينستيتۋت سوڭعى كۇندەرى 119 000 جاڭا كوروناۆيرۋستى جۇقتىرعاندار تۋرالى حابارلادى. بۇعان BA.4 جانە BA.5. نۇسقالارى سەبەپ بولۋى مۇمكىن. ءبىراق ينستيتۋت باسشىسى ورىنباسارىنىڭ ايتۋىنشا، قورعانىس شارالارىن الىپ تاستاۋ كوروناۆيرۋستىق جاعدايدىڭ ناشارلاۋىنا ىقپال ەتەدى.
«يتاليادا اۋرۋدىڭ اپتالىق ينديكاتورىنا سايكەس، جاڭادان جۇقتىرعانداردىڭ سانى دا كۇرت ءوستى. يتاليادا ول ەكىنشى اپتا قاتارىنان كوتەرىلۋدە، ۆيرۋستىڭ تارالۋ جىلدامدىعى تاعى دا ەپيدەميا دەڭگەيىنە جەتتى»، - دەپ حابارلادى يتاليا دەنساۋلىق ساقتاۋ مينيسترلىگى.