بۇل شەشىم مولشەرلەمە تراەكتورياسىن تۇزەتەدى.
قازاقستاننىڭ ۇلتتىق بانكى بازالىق مولشەرلەمەنى 16%-عا دەيىن كوتەرۋ تۋرالى شەشىم قابىلدادى، دەپ حابارلايدى Almaty-akshamy.kz.
«قازاقستان رەسپۋبليكاسى ۇلتتىق بانكىنىڭ اقشا-كرەديت ساياساتى كوميتەتى بازالىق مولشەرلەمەنى +/– 1 پ.ت. پايىزدىق دالىزىمەن جىلدىق 16%-عا دەيىن كوتەرۋ تۋرالى شەشىم قابىلدادى. تيىسىنشە، وتىمدىلىكتى ۇسىنۋ جونىندەگى تۇراقتى قولجەتىمدى وپەراسيالار بويىنشا مولشەرلەمە 17%، ال وتىمدىلىكتى الۋ جونىندەگى تۇراقتى قولجەتىمدى وپەراسيالار بويىنشا مولشەرلەمە – 15% بولادى»، - دەلىنگەن ۇلتتىق بانك باسپا ءسوز قىزمەتىنىڭ حابارلاماسىندا.
مامانداردىڭ حابارلاۋىنشا، شەشىم مولشەرلەمە تراەكتورياسىن تۇزەتەدى، ول الدىڭعى شەشىمدەر مەن كوممۋنيكاسيالار بويىنشا ايقىندالعان باعىت پەن قارقىندى ساقتايدى.
«مولشەرلەمەنىڭ ارتۋى ءوسىپ وتىرعان ينفلياسيالىق قىسىمدى كورسەتەتىن فاكتورلاردىڭ جيىنتىعىنا بايلانىستى. قىركۇيەك ايىنىڭ ناتيجەسى بويىنشا ينفلياسيا بولجامنان ايتارلىقتاي اسىپ ءتۇستى. شەشىم قابىلداۋعا نەگىزگى فاكتورلار جوعارى ينفلياسيالىق بولجامدار، ورنىقتى سۇرانىس، فيسكالدىق سەرپىن، تۇراقتى تاۋار جەتكىزۋ جولدارىنا قايتا باعىتتاۋعا بايلانىستى ءوندىرىس شىعىستارىنىڭ ءوسۋى، سىرتقى ينفلياسيانىڭ جالعاسىپ وتىرعان اسەرى، ونىڭ ىشىندە ساقتالىپ وتىرعان رەسەي ءرۋبلى باعامىنىڭ كۇشەيۋى بولدى. جوعارىلاعان ينفلياسيالىق بولجامدار باعا مەن تۇتىنۋعا قىسىم جاسايدى. مۇنىڭ ءبارى 2023 جىلى ينفلياسيالىق پروسەستەردىڭ باقىلانۋىن ساقتاۋ ءۇشىن بارىنشا قاتاڭ اقشا-كرەديت تالاپتارىن قاجەت ەتەدى»،-دەپ تۇسىنگەن ماماندار.
بازالىق مولشەرلەمەنى ارتتىرۋ ەكونوميكا سۋبەكتىلەرىنىڭ جيناقتاۋ بەلسەندىلىگىنە قولداۋ كورسەتىپ، ىشكى ۆاليۋتا نارىعىنداعى تەڭگەرىمگە ىقپال ەتە وتىرىپ، 1-2 جىلدىق كىدىرىسپەن اسەر ەتەدى.