"قازگيدرومەت" رمق سينوپتيكتەرى 13-15 جەلتوقسان ارالىعىندا قازاقستاننىڭ ءتورت وڭىرىندە اۋا رايى قولايسىز بولاتىنىن بولجادى، دەپ حابارلايدى Almaty-akshamy.kz.
13 جەلتوقساندا تۇندە سولتۇستىك قازاقستان وبلىسىنىڭ باسىم بولىگىندە قار جاۋادى. وبلىستىڭ سولتۇستىگىندە، شىعىسىندا، وڭتۇستىگىندە جاياۋ بۇرقاسىن بولادى. باتىستان سوعاتىن جەل سولتۇستىك-شىعىسقا اۋىسادى، ەكپىنى - 15-20 م/س.
پەتروپاۆلدا 13 جەلتوقساندا تۇندە جاياۋ بۇرقاسىن بولادى. باتىستان سوعاتىن جەل سولتۇستىك-شىعىسقا اۋىسادى، تۇندە ەكپىنى - 15-20 م/س.
13-15 جەلتوقساندا قىزىلوردا وبلىسىندا جەل شىعىستان سوعادى، وبلىستىڭ ورتالىعىندا كۇشى 15-20 م/س ساقتالادى.
13 جەلتوقساندا تۇركىستان وبلىسىنىڭ وڭتۇستىگىندە، باتىسىندا، تاۋلى جانە تاۋ بوكتەرلى اۋداندارىندا تۇمان تۇسەدى. تاۋ اسۋلارىندا جاياۋ بۇرقاسىن كۇتىلەدى. شىعىستان جەل سوعادى، وبلىستىڭ سولتۇستىگىندە، تاۋلى اۋدانداردا كۇشى - 15-20 م/س.
شىمكەنتتە 13 جەلتوقساندا تۇندە جانە تاڭەرتەڭ تۇمان تۇسەدى.
تۇركىستاندا 13 جەلتوقساندا تۇندە جانە تاڭەرتەڭ تۇمان بولادى.
13 جەلتوقساندا كۇندىز اقتوبە وبلىسىنىڭ ورتالىعىندا شىعىستان، وڭتۇستىك-شىعىستان جەل سوعادى، ەكپىنى - 18 م/س.