Cپورت سەكسيالارىنا 6 مىڭعا جۋىق بالانى جالعان رەسىمدەگەن
اrtSport باعدارلاماسىن جۇزەگە اسىرۋ بارىسىن تەكسەرۋ كەزىندە 6 مىڭعا جۋىق بالانى جالعان تىركەگەنى انىقتالدى. سالدارىنان 1،1 ملرد تەڭگە بيۋدجەت قارجىسى جىمقىرىلعان، دەپ حابارلايدى Almaty-akshamy.kz ق ر باس پروكۋراتۋراسىنىڭ باسپا ءسوز قىزمەتىنە سىلتەمە جاساپ.
«تەكسەرۋ بارىسىندا ۇيىرمەلەر مەن سپورت سەكسيالارىنا 6 مىڭعا جۋىق بالانى جالعان رەسىمدەۋ ارقىلى 1،1 ملرد تەڭگە بيۋدجەت قارجىسىنىڭ ۇرلانعانى انىقتالدى. كەي وڭىردە (الماتى، بقو، شقو، ماڭعىستاۋ وبلىسى) بالالارمەن بىلىم-بىلىگى جوق، شىعارماشىلىق پەن سپورتقا مۇلدەم قاتىسسىز، ءتىپتى بۇرىن جەزوكشەلىك جانە جىنىستىق قولسۇعۋشىلىق قىلمىسى ءۇشىن سوتتالعاندار جۇمىس ىستەگەن. ال باسقا وبلىستاردا ۇيىرمە جانە سەكسيا زالدارى سانيتارلىق تالاپتارعا سايكەس كەلمەگەن»، - دەلىنگەن حابارلامادا.
سونداي-اق، رەسمي اقپاراتتا مەملەكەتتىك شىعارماشىلىق جانە سپورتتىق تاپسىرىستاردى جاريالاۋ ەرەجەسى «اتامەكەن» ۇلتتىق كاسىپكەرلەر پالاتاسىمەن كەلىسىلمەگەنى ايتىلعان.
تاپسىرىس اياسىندا سىبايلاس جەمقورلىققا قارسى ءبىر دە ءبىر قورىتىندى الىنباعان.
«پروكۋرورلاردىڭ الاياقتىق، ۇرلىق، پارا بەرۋ جانە پارا الۋدى انىقتاعان فاكتىلەرى بويىنشا (18 ءىس) سوتقا دەيىنگى تەرگەپ-تەكسەرۋ امالى باستالدى. 16 لاۋازىمدى تۇلعا تارتىپتىك جاۋاپكەرشىلىككە تارتىلدى، سول سياقتى 94 بيزنەس سۋبەكتىسىنىڭ قۇقىعى قورعالىپ، 50 جالداۋ شارتى بۇزىلدى»، - دەيدى ۆەدومستۆودان.
جوعارىداعى جايتقا بايلانىستى باس پروكۋراتۋرا اrtSport باعدارلاماسى شارتتارىنا وزگەرىس ەنگىزىلگەنىن حابارلايدى.
ياعني ۆاۋچەر سانى بىرەۋگە دەيىن قىسقاردى (بۇرىن 2 بالاعا دەيىن جازىلۋ مۇمكىن ەدى)، سونىمەن قاتار سانيتارلىق تالاپتار كۇشەيتىلىپ، ەڭ تومەنگى جاس شەگى وزگەرتىلدى (بۇرىن ەركىن كۇرەسكە قابىلداۋ 5 جاستان باستالسا، ءقازىر 10 جاستان).