قازاقستاننىڭ تمككك پاكەتى شەت ەلدەردەگى مەديسينالىق كومەكتىڭ تەگىن تىزبەسىنەن ەداۋىر اسىپ تۇسەدى

قازاقستانداعى تمككك پاكەتى مەديسينالىق كومەكتىڭ كەڭ سپەكترىن قامتيدى.

ەلىمىزدىڭ دەنساۋلىق ساقتاۋ مينيسترلىگىنىڭ سايتىندا تەگىن مەديسينالىق كومەكتىڭ كەپىلدىك بەرىلگەن كولەمىنىڭ تىزبەسى جاريالاندى،  دەپ حابارلايدى aqshamnews.kz.

1. شۇعىل جانە كەزەك كۇتتىرمەيتىن كومەك
2. پروفيلاكتيكالىق قاراپ-تەكسەرۋلەر جانە ۆاكسيناسيالاۋ
3. تەگىن دارى-دارمەكپەن قامتاماسىز ەتۋ
4. سوزىلمالى اۋرۋلارى بار پاسيەنتتەردى ديناميكالىق باقىلاۋ (ينسۋلت، ستەنوكارديا، ارتەريالىق گيپەرتەنزيا، دەمىكپە، نەفريت جانە تىنىس الۋ جانە اس قورىتۋ اعزالارىنىڭ اۋرۋلارى جانە ت. ب.)
5. الەۋمەتتىك ءمانى بار اۋرۋلارىمەن اۋىراتىن پاسيەنتتەردى ەمدەۋ (ونكولوگيا، تۋبەركۋلەز، قانت ديابەتى، پسيحيكالىق بۇزىلۋلار، ايتۆ-جيتس، ينفەكسيالار جانە ت. ب.)
6. قىمبات جوعارى تەحنولوگيالىق وپەراسيالار
7. ستاسيونارلىق جانە ستاسيوناردى الماستىراتىن كومەك
8. حالىقتىڭ نىسانالى توپتارىنىڭ سكرينينگتەرى
9. قان پرەپاراتتارىمەن قامتاماسىز ەتۋ
10. پاللياتيۆتىك كومەك

سالىستىرۋ ءۇشىن باسقا ەلدەردەگى تمككك پاكەتىنە: 

گەرمانيا مەن نيدەرلاندى - تەك ۇزاق مەرزىمدى مەيىرگەرلىك كۇتىم

ليتۆا - شۇعىل مەديسينالىق كومەك

ەستونيا - 4 اۋرۋعا شالدىققان پاسيەنتتەرگە مەديسينالىق كومەك (ايتۆ\جيتس، تۋبەركۋلەز، پسيحيكالىق اۋرۋلار، ينفەكسيالار جانە شۇعىل مەديسينالىق كومەك)

رەسەيدە مەملەكەتتىك مەديسينالىق كومەك پاكەتىنە مىنالار كىرەدى: سانيتاريالىق اۆياسيا، ايتۆ/جيتس، جىنىستىق جولمەن بەرىلەتىن ينفەكسيالار، تۋبەركۋلەز جانە پسيحيكالىق اۋرۋلار.