قازاقستاننىڭ تەڭگە سارايىندا بەلارۋس مونەتاسى قۇيىلدى

مونەتا كۇمىس قورىتپادان جاسالعان.

مونەتا «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايىندا» سوعىلعان، دەپ حابارلايدى Almaty-akshamy.kz

بەلارۋس ۇلتتىق بانكى «سلاۆيانكا» ينۆەستيسيالىق كۇمىس مونەتاسىن اينالىمعا شىعاردى. بۇل تۋرالى بەلارۋس ۇلتتىق بانكىنىڭ اقپارات جانە قوعاممەن بايلانىس دەپارتامەنتى حابارلادى.

«10 قازاننان باستاپ بەلارۋس رەسپۋبليكاسىنىڭ ۇلتتىق بانكى نومينالى 20 رۋبل بولاتىن 2023 جىلعى «سلاۆيانكا» كۇمىس قۇيما (ينۆەستيسيالىق) مونەتاسىن اينالىمعا شىعارادى»، - دەلىنگەن حابارلامادا.

مونەتا 999،9 تازالىقتاعى كۇمىس قورىتپاسىنان جاسالعان، ماسساسى 31،1 گرامم، تارالىمى 10 مىڭ دانا. مونەتانىڭ سىرت جاعىندا (ريەۆەرسىندە) قولىندا كىشكەنتاي بالاسى بار جاس سلاۆيان ايەلىنىڭ پورترەتى، ءبۇيىر جاعىندا كومپوزيسيانىڭ رۋحاني قۇرامداس بولىگىن تولىقتىراتىن ەكى جۇماق قۇسى بەينەلەنگەن. بەت جاعىندا (اۆەرسىندە) بەلارۋس مەملەكەتتىك ەلتاڭباسىنىڭ بەدەرلى بەينەسى سالىنىپ، مونەتانىڭ نومينالى جازىلعان.

مونەتا «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى» رمك-دا سوعىلعان.

بەلارۋس ەلىنىڭ ءوزىنىڭ تەڭگە سارايى جوق، سوندىقتان مونەتالارىن باسقا ەلدەردە شىعارادى.