بۇل تۋرالى وقۋ-اعارتۋ ءمينيسترى عاني بەيسەمبايەۆ ايتتى، دەپ حاباورلايدى Almaty-akshamy.kz Kazinform.kz-كە سىلتەمە جاساپ.
«اتتەستاسياعا قاتىستى ماسەلە كوكتەمنەن باستاپ قولعا الىنعان. ونداعى ۇستازداردىڭ شاعىمىنىڭ كوپشىلىگى قاعازباستىلىققا، اتتەستاتتاۋ كەزىندە پورتفوليونى كوپ جيناۋعا جانە ادىستەمەگە قاتىستى قاجەتسىز تەستەردىڭ بولۋىنا قاتىستى ەدى. بۇل كوتەرىلگەن ماسەلەنىڭ ءبارى ەسكەرىلىپ، جاڭا جۇيە ەنگىزۋ باعىتىندا ۇلكەن جۇمىس جۇرگىزىلىپ جاتىر. ءبىرىنشى كەزەكتە اتتەستاتتاۋدىڭ جاڭا جۇيەسى ازىرلەندى»، – دەدى مينيستر ۇكىمەت وتىرىسىنان كەيىن ب ا ق وكىلدەرىنىڭ ساۋالىنا وراي.
ۆەدومستۆو باسشىسىنىڭ اتاپ وتۋىنشە، اتتەستاتتاۋدىڭ جاڭا جۇيەسى جۋىق ارادا اشىق نقا پورتالىندا جاريالانادى.
«ەڭ باستىسى اتتەستاسيادان قاعاز تۇرىندەگى پرتفوليانى جيناۋ الىنىپ تاستالعانىن ناقتى ايتۋعا بولادى جانە تەستىلەۋ جۇيەسىن قايتا قاراستىرۋ ماسەلەسى دە ەسكەرىلگەن»، – دەدى عاني بەيسەمبايەۆ.