قازاقستان جاھاندىق شيكىزات نارىعىندا ءوز پوزيسياسىن نىعايتىپ، تۇراقتى دامۋ، سيفرلاندىرۋ جانە پايدالى قازبالاردى بارلاۋ مەن قايتا وڭدەۋگە ينۆەستيسيا تارتۋ باعىتىن ۇستانۋدا، دەپ حابارلايدى aqshamnews.kz.
سالانىڭ نەگىزگى جەتىستىكتەرى:
• تاۋ-كەن مەتاللۋرگيا كەشەنىنىڭ جىو-دەگى ۇلەسى 8%، وندىرىلگەن ءونىم كولەمى 14،3 ترلن تەڭگەدەن، ەكسپورت كولەمى 21،4 ملرد اقش دوللارىنان استى.
• اۆستراليالىق مودەل نەگىزىندە ەنگىزىلگەن جەر قويناۋىن پايدالانۋ جۇيەسى گەولوگيالىق بارلاۋعا 420 ملرد تەڭگەدەن استام ينۆەستيسيا تارتۋعا مۇمكىندىك بەردى.
• جالپى قۇنى 3،5 ترلن تەڭگەدەن اساتىن بەس ءىرى ينۆەستيسيالىق جوبا ىسكە قوسىلادى دەپ كۇتىلۋدە، ناتيجەسىندە 8 مىڭعا جۋىق جاڭا جۇمىس ورنى اشىلادى.
• قازاقستان تيتان، مىس، اليۋمينيي، فەرروقورىتپالار، سونداي-اق بەريلليي، تانتال جانە نيوبيي سىندى سيرەك ءارى ستراتەگيالىق ماڭىزدى مەتالداردى وندىرۋدە الەمدىك كوشباسشىلار قاتارىندا.
• جەر قويناۋىن پايدالانۋدا اينالمالى (سيركۋليارلى) مودەلگە كوشۋ جالعاسۋدا: 55 ملرد توننادان استام تەحنوگەندىك مينەرالدىق تۇزىلىمدەردى (تمت) تۇگەندەۋ جۇمىستارى باستالدى.
• 2025 جىلى ەلىمىزدە تۇڭعىش رەت ۆولفرام ءوندىرىسى ىسكە قوسىلادى، سونداي-اق ىستىققا ءتوزىمدى نيكەل قورىتپالارى، گالليي جانە ينتەرمەتالليدتەردى ءوندىرۋ تەحنولوگيالارى دامىتىلۋدا.
قازاقستان باي مينەرالدىق قوردى زاماناۋي ينفراقۇرىلىممەن جانە جاھاندىق تۇراقتى دامۋ ستاندارتتارىمەن ۇشتاستىرا وتىرىپ، حالىقارالىق سەرىكتەستەر مەن ينۆەستورلار ءۇشىن اشىق، تۇراقتى جانە بولجامدى ورتا قالىپتاستىرۋدا.