تانكيستەر ەرلىگىمەن، توزىمدىلىگىمەن جانە باتىلدىعىمەن ەرەكشەلەنەدى.
تاباندىلىعىمەن جانە بەرىكتىلىگىمەن ەرەكشەلەنەتىن تانكيستەر كاسىبي مەرەكەسىن اتاپ وتۋدە، دەپ حابارلايدى Almaty-akshamy.kz.
«بۇل كۇن تاريحتا 1942 جىلى شىمكەنت جاستارى «قازاقستان كومسومولدارى» دەگەن جازۋى بار 46 ت-34 تانكىن جەتىنشى جانە ون ءۇشىنشى جەكە تانك پولكتەرىنە بەرەتىن وقيعامەن ەستە قالدى. تانك لەگىنىڭ قۇرىلىسىنا قاجەتتى قاراجاتتى جيناۋعا بۇكىل رەسپۋبليكانىڭ جاستارى جۇمىلدى. تانكتەر بۇگىنگى كۇنى دە الەمنىڭ كوپتەگەن ەلىندە اسكەرلەردىڭ نەگىزگى جاۋىنگەرلىك قۋاتىن كورسەتەتىنى بەلگىلى. ولاردىڭ باستى ارتىقشىلىعى – قورعانىسى مەن جاۋىنگەرلىك قۋاتىندا»،– دەلىنگەن قورعانىس مينيسترلىگىنىڭ باسپا ءسوز قىزمەتىنىڭ حابارلاماسىندا.
قازاقستاننىڭ قارۋلى كۇشتەرىندە تانك بولىمدەرى مەن بولىمشەلەرى ەلدىڭ ءار وڭىرىندە ورنالاسقان، سونداي-اق جاۋىنگەرلىك تۇرعىدا ۇدايى ازىرلىكتە.
«تانكيستەر ءىس-قيمىلدىڭ جاڭا تاسىلدەرىن يگەرە وتىرىپ، ۇزدىكسىز جاۋىنگەرلىك دايارلىق دەڭگەيىن ارتتىرىپ، كاسىبي شەبەرلىكتەرىن شىڭداۋدا. اۋقىمدى «الداسپان-2020» وقۋ-جاتتىعۋ بارىسىندا تانك بولىمشەلەرى «تانك كارۋسەلى» ءتاسىلىن سىنادى. ال «قالقان-2021» كەزىندە جەڭىلۋ ىقتيمالدىعىن ازايتۋعا جانە قارسىلاستى اداستىرۋعا مۇمكىندىك بەرەتىن «ساق قورعانى» ءادىسىن قولداندى»، – دەپ حابارلادى ماماندار.
تانكيستەر ەرلىگىمەن، توزىمدىلىگىمەن، تاباندىلىعىمەن، بەرىكتىلىگىمەن جانە باتىلدىعىمەن ەرەكشەلەنەدى. تانك اسكەرلەرىنىڭ وفيسەرلەرى ۇدايى وقۋ-جاتتىعۋلار مەن مانيەۆرلەرگە قاتىسادى. ولار تاكتيكانى جانە شاپشاڭدىقتى، اسكەرلەردى ۇرىستا قولدانۋدى، قارۋ-جاراق پەن اسكەري تەحنيكانىڭ نەگىزدەرىن جەتىك مەڭگەرگەن. قازاقستان قارۋلى كۇشتەرىنىڭ باسشىلىعىندا بارلىق جىلداردا تانك بولىمدەرى مەن بولىمشەلەرىندە قىزمەت ەتىپ، اسكەري ومىرگە جولداما العان گەنەرالداردىڭ بولۋى كەزدەيسوقتىق ەمەس.
«2014 جىلدان باستاپ جىلدا ءبىزدىڭ كوماندا جۇلدەلى ورىندار الىپ، ارميا حالىقارالىق ويىندارىنىڭ «تانك بياتلونى» كونكۋرسىندا ەل اسكەرىنىڭ نامىسىن قورعاپ كەلەدى. 2021 جىلى قازاقستاندىق كوماندا 19 ەل قاتىسقان سايىستا ءۇشىنشى ورىن يەلەندى. ءبىزدىڭ تانكيستەر رەسەي مەن قىتايدان كەلگەن تانكيستەرگە ەسە جىبەرگەنمەن، ازەربايجان، بەلارۋس، سەربيا، وزبەكستاننىڭ ۇزدىك ەكيپاجدارىنان باسىپ وزدى»،– دەلىنگەن قورعانىس مينيسترلىگىنىڭ حابارلاماسىندا.
بۇگىندە جاۋىنگەر-تانكيستەر تانك اسكەرلەرىنىڭ داڭقتى ءداستۇرىن مۇقيات ساقتاي وتىرىپ، جالعاستىرىپ كەلەدى. ولار جوعارى كاسىبي شەبەرلىكتى كورسەتە وتىرىپ، ءىس-قيمىلدىڭ جاڭا ادىستەرى مەن تاسىلدەرىن تابىستى مەڭگەرەدى جانە جاۋىنگەرىلك وقۋ-جاتتىعۋ تاپسىرمالارىن تولىق دەڭگەيدە ورىندايدى.
