قازاقستاننىڭ سولتۇستىك وڭىرلەرىندە جاڭبىر جاۋادى

وڭتۇستىك وڭىرلەرىندە جىلى بولادى.

قازاقستاندىق سينوپتيكتەر الداعى كۇندەرى اۋا رايى قانداي بولاتىنىن بولجادى، دەپ حابارلايدى Almaty-akshamy.kz.

بولجام بويىنشا، 16 قىركۇيەكتەن باستاپ ەلدىڭ سولتۇستىگىندە، سولتۇستىك-باتىسىندا جانە شىعىسىندا، ال 17 قىركۇيەكتەن باستاپ رەسپۋبليكانىڭ ورتالىعىندا، ەكاتەرينبۋرگ اۋداندارىنىڭ سيكلون قۋىسىمەن بايلانىستى اتموسفەرالىق فرونتالدى جۇيەلەردىڭ وتۋىمەن جاڭبىر جاۋادى. قازاقستاننىڭ قالعان اۋماعىندا، جوعارى اتموسفەرالىق قىسىم اياسىندا جاۋىن-شاشىنسىز اۋا رايى بولجانادى.

«اۋا تەمپەراتۋراسىنىڭ تومەندەۋى كەلەسىدەي كورىنىس تابادى: باتىستا تۇندە 3-11-دەن 1-9-عا دەيىن جىلى، كۇندىز 15-23-تەن 10-18-گە دەيىن جىلى، سولتۇستىك-باتىستا تۇندە 7-12-دەن 2-7-گە دەيىن جىلى. 18 قىركۇيەكتە سولتۇستىكتە 3 گرادۋس ۇسىك، كۇندىز 17-25-تەن 10-17-گە دەيىن جىلى، سولتۇستىكتە تۇندە 8-13-تەن 2-10-عا دەيىن جىلى. وبلىستىڭ ورتالىعى مەن شىعىسىندا 5-15 گرادۋس جىلى، كۇندىز تەمپەراتۋرا 20-28-دەن 15-25 گرادۋسقا دەيىن تومەندەيدى، ال وڭتۇستىك پەن وڭتۇستىك-شىعىستا اۋا تەمپەراتۋراسى تۇندە 15-20، كۇندىز 28-35 گرادۋس جىلى بولادى»، – دەلىنگەن «قازگيدرومەت» رمك حابارلاماسىندا.