الەمنىڭ كەيبىر ەلدەرى ۇجىمدىق يممۋنيتەتكە قول جەتكىزەتىن كورسەتكىشتەرگە جاقىن.
ۇستىمىزدەگى جىلدىڭ قازان ايىندا كيپر حالقىنىڭ 80%-ى تولىق ەگىلەتىن بولادى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
كيپر ارالىنىڭ گرەك بولىگى عالىمدار بەلگىلەگەن كوروناۆيرۋسقا قارسى ۇجىمدىق يممۋنيتەتكە قول جەتكىزەتىن كورسەتكىشتەرگە جاقىن.
«جەرورتا تەڭىزى كۋرورتىندا ەرەسەك تۇرعىنداردىڭ شامامەن 80%-ى COVID-19 ۆاكسيناسىنىڭ كەم دەگەندە ءبىر دوزاسىن الدى، كيپريوتتاردىڭ 76%-ى ەكى دوزانى دا الدى»، - دەپ حابارلادى دەنساۋلىق ساقتاۋ ءمينيسترى ميحاليس حادزيپانتەلاس.
ول قازان ايىنىڭ باسىندا حالىقتىڭ 80%-ى تولىق ەگىلەتىنىنە سەنىمدى. پاندەميا كەزىندە كيپردە كوروناۆيرۋستىق ينفەكسيانىڭ 118 مىڭنان استام جاعدايى جانە ينفەكسيانىڭ سالدارىنان 500-گە جۋىق كوز جۇمۋ دەرەكتەرى تىركەلدى.
سوڭعى مالىمەت بويىنشا، دانيادان جاڭا زەلاندياعا Pfizer ۆاكسيناسىنىڭ 250 000 دوزاسى كەلدى. ارال مەملەكەتىنىڭ تۇرعىندارىن وكلەند قالاسىنا يممۋنداۋعا ارنالعان پرەپارات اراب ەميرەيتس كومپانياسىنىڭ ۇشاعىمەن جەتكىزىلدى. بۇل جاڭا زەلانديا ەۋروپادا ساتىپ العان 500 000 ۆاكسينا دوزاسىنىڭ العاشقى پارتياسى. پرەمەر-مينيستر دجاكيندا اردەرن بۇعان دەيىن دانيامەن جاسالعان كەلىسىم ۆاكسيناعا دەگەن سۇرانىستى قاناعاتتاندىرۋى كەرەك جانە قىركۇيەككە دەيىن جەتكىلىكتى بولادى دەپ مالىمدەدى. ۆيرۋسقا قارسى پرەپاراتتىڭ كەلەسى پارتياسى قازان ايىندا كەلەدى دەپ كۇتىلۋدە.
«ءبىز دانياعا جاڭا زەلانديا تۇرعىندارىن «دەلتا» شتامىنان قورعاۋعا كومەكتەسەتىن وسى ۆاكسينالاردى بەرگەنى ءۇشىن وتە ريزامىز»، - دەدى اردەرن.