قازاقستاننىڭ ءسىم باسشىسى «ءبىر بەلدەۋ، ءبىر جول» باستاماسى شەڭبەرىندە حالىقارالىق بەينەكونفەرەنسياعا قاتىستى
- قازاقستان پرەمەر-مينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى ازيا-تىنىق مۇحيت ءوڭىرىنىڭ جوعارعى دەڭگەيدەگى حالىقارالىق بەينەكونفەرەنسياسىنا قاتىستى، دەپ حابارلادى Almaty-akshamy.kz ق ر ءسىم سايتىنداعى حابارعا سىلتەمە جاساپ.
اتالعان ءىس-شارا جۇڭگو تاراپىنىڭ باستاماسىمەن «ءبىر بەلدەۋ، ءبىر جول» باعدارلاماسى شەڭبەرىندە ءوتتى. «تۇراقتى قالىپقا كەلۋ ماقساتىندا COVID-19 ىندەتىمەن كۇرەستە قولعابىس كورسەتۋ» - فورۋمنىڭ نەگىزگى تاقىرىبى بولدى.
مۇحتار تىلەۋبەردى ءوز سوزىندە دەنساۋلىق ساقتاۋدى سيفرلاندىرۋ سالاسىندا ىنتىماقتاستىقتى ورناتۋ، COVID-19 ىندەتىنە قارسى ەكپەلەرگە قول جەتىمدىلىكتى جانە ولاردىڭ ءادىل ءبولىنۋىن قامتاماسىز ەتۋ، سونداي-اق ازيا-تىنىق مۇحيت ءوڭىرىنىڭ مۇشە-مەملەكەتتەرىمەن كوروناۆيرۋستىق ينفەكسياسىمەن كۇرەسۋ بويىنشا ىنتىماقتاستىقتىڭ پراكتيكالىق تەتىكتەرىن كۇرۋ بويىنشا قازاقستاندىق باستامالارىن اتاپ ءوتتى. سونىمەن قاتار ول ەلىمىزدىڭ بۇۇ-نىڭ ەكولوگيالىق كۇن تارتىبىنە ماڭىزدى ءمان بەرەتىندىگىنە جانە ەكونوميكانى كوگالداندىرۋ جونىندە جۇمىستى جالعاستىرۋعا دايىن ەكەندىگىنە نازار اۋداردى.
بەينەكونفەرەنسياعا ازيا-تىنىق مۇحيت ءوڭىرى، لاتىن امەريكا، ورتالىق ازيا مەملەكەتتەرىنىڭ سىرتقى ساياسي ۆەدومستۆولارىنىڭ جانە حالىقارالىق ۇيىمداردىڭ باسشىلارى قاتىستى. ىندەتپەن كۇرەسۋ باعىتىندا قارىم-قاتىناستاردىڭ بولاشاق جولدارى تالقىلاندى جانە ىندەتتەن داۋىرىندە كەيىنگى جاھاندىق ەكونوميكانى قالپىنا كەلتىرۋ بويىنشا پىكىر الماسۋ ءوتتى.
جاسىل ەكونوميكا مەن ينۆەستيسيالار سالاسىنداعى ىنتىماقتاستىقتىڭ بولاشاعىنا جانە وزەكتى ەكولوگيالىق ماسەلەلەردىڭ شەشىلۋىنە اسا كوڭىل ءبولىندى.
ءىس-شارانىڭ قورىتىندىسى بويىنشا تاراپتار COVID-19-عا قارسى ەكپەلەر سالاسىندا ىنتىماقتاستىقتىڭ بويىنشا «ءبىر بەلدەۋ، ءبىر جول» سەرىكتەستىگىنىڭ باستاماسى اياسىندا» مەن «جاسىل دامۋ سالاسىندا ىنتىماقتاستىقتىڭ بويىنشا «ءبىر بەلدەۋ، ءبىر جول» باستاماسى» ەكى قۇجاتتى قابىلدادى.
