بۇل قىزمەت ماماندارى ەلدەن كەتكەن قارجىنى قايتارۋمەن شۇعىلدانادى.
قازاقستاننىڭ باس پروكۋراتۋراسىندا جاڭا قىزمەت قۇرىلدى، بۇل قىزمەت ماماندارى ەلدەن شەتەلگە زاڭسىز كەتكەن قاراجاتتى قايتارۋ شۇعىلدانادى، دەپ حابارلايدى Almaty-akshamy.kz.
"مەملەكەت باسشىسىنىڭ ەلگە زاڭسىز شىعارىلعان قارجى قاراجاتىن قايتارۋ، سونداي-اق ەكونوميكالىق رەسۋرستاردىڭ مونوپوليالىق (وليگوپوليالىق) شوعىرلانۋىن انىقتاۋ جونىندەگى تاپسىرمالارىن ىسكە اسىرۋ شەڭبەرىندە وسى باعىتتاعى بارلىق مەملەكەتتىك ورگانداردىڭ قىزمەتىن ۇيلەستىرۋ ماقساتىندا قازاقستان رەسپۋبليكاسى پرەزيدەنتىنىڭ 2022 جىلعى 3 قازانداعى №1029 جارلىعىمەن باس پروكۋراتۋرادا حالىقارالىق-قۇقىقتىق ىنتىماقتاستىق قىزمەتى قۇرىلدى"، - دەلىنگەن پروكۋراتۋرانىڭ باسپا ءسوز قىزمەتىنىڭ حابارلاماسىندا.
باس پروكۋراتۋرا قۇرىلىمىنداعى بۇل وزگەرىستەر ەلدەن كاپيتالدىڭ كەتۋىنە جانە شىعارىلعان اكتيۆتەردى قايتارۋعا قارسى ءىس-قيمىل جونىندەگى جۇمىستى ۇيىمداستىرۋ تاسىلدەرىن قايتا قاراۋعا مۇمكىندىك بەرەدى.
قۇرىلعان قىزمەتتىڭ نەگىزگى مىندەتتەرى – ەكونوميكالىق رەسۋرستاردى زاڭسىز شوعىرلاندىرۋعا جانە تاۋار نارىقتارىن مونوپولياسىزداندىرۋعا، سونداي-اق شەتەلدەن زاڭسىز اكتيۆتەردى رەپاترياسيالاۋعا ىقپال ەتكەن جاعدايلاردى انىقتاۋ بويىنشا جۇيەلى شارالاردى ازىرلەۋ جانە ىسكە اسىرۋ.