فەستيۆال 7-11 قىركۇيەك كۇندەرى قازان قالاسىندا وتەدى.
بەلگىلى رەجيسسەر بولات قالىمبەتوۆتىڭ «مۇقاعالي» ءفيلمى 7-11 قىركۇيەك ارالىعىندا قازان قالاسىندا وتەتىن XVIII حالىقارالىق مۇسىلمان كينوسى كينوفەستيۆالىنىڭ نەگىزگى بايقاۋىنا قاتىسادى، دەپ حابارلايدى Almaty-akshamy.kz ەgemen.kz سىلتەمە جاساپ.
تاتارستاندا وتەتىن قازان كينوفەستيۆالىنىڭ ىرىكتەۋ كوميسسياسى ءتوراعاسى نينا كوچەليايەۆانىڭ ايتۋىنشا، بيىل بايقاۋعا قاتىسۋعا بىرنەشە مەملەكەتتەن ءوتىنىم كەلىپ تۇسكەن.
ناتيجەسىندە نەگىزگى تولىقمەتراجدى فيلمدەر بايقاۋىنا 10 فيلم ىرىكتەلىپ الىندى، ونىڭ ىشىندە تۇركيا، قازاقستان، ءۇندىستان، يران، بانگلادەش، رەسەي، مىسىر، شري-لانكا مەملەكەتتەرىنىڭ تۋىندىلارى، سونداي-اق ەكى ەل بىرلەسىپ تۇسىرىلگەن 2 تۋىندى بار. جالپى، بيىل 44 ەلدەن 625 ءوتىنىم تۇسكەن.
سونىمەن قاتار، قازان كينوفەستيۆالى شەڭبەرىنە ەكىنشى رەت كينو نارىق ۇيىمداستىرىلىپ، دارىندى كينوگەرلەرگە وزدەرىنىڭ جوبالارىن ىسكە اسىرۋعا مۇمكىندىك بەرەتىن حالىقارالىق پيچينگ (سەنارييلەر بايقاۋى) وتكىزىلەدى.