ءۇيدى جالعا الۋ اقىسى 21 پايىزعا وسكەن.
ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسى وكىلدەرى قازاقستاندا ءبىر جىلدا جىلجىمايتىن مۇلىك قانشاعا قىمباتتاعانىن ايتتى، دەپ حابارلايدى Almaty-akshamy.kz
«ءبىر جىلدا (2022 جىلدىڭ ماۋسىمى مەن 2021 جىلدىڭ ماۋسىمى ارالىعى) ەكىنشى نارىقتاعى پاتەرلەردىڭ باعاسى 26،8 پايىزعا، جاڭا تۇرعىن ءۇي 19،5 پايىزعا ءوستى. 2022 جىلدىڭ ماۋسىمىندا تۇرعىن ءۇيدى جالعا الۋ اقىسى 21 پايىزعا ءوستى»، - دەلىنگەن حابارلامادا.
بيۋرودا وڭىرلىك بولىنىستە العاشقى تۇرعىن ءۇي نارىعىنداعى باعا جىلدىق ەسەپ بويىنشا نۇر-سۇلتاندا 27،9 پايىزعا وسكەنىن اتاپ ءوتتى. قايتالاما تۇرعىن ءۇي نارىعىندا باعا ءوسىمى بويىنشا كوشباسشى قىزىلوردا ، 46،7 پايىز، تۇرعىن ءۇيدى جالعا بەرۋ نارىعىندا الماتى - 48،3 پايىز.
بۇعان دەيىن قازاقستاندىق ساراپشىلار ەلىمىزدىڭ بارلىق قالاسىندا پاتەر باعاسى نەگە قىمباتتاپ جاتقانىن ايتقان بولاتىن.