ق ر مەديسينالىق اۆياسياسىنىڭ تىكۇشاقتارى كۇن سايىن 3-تەن 15-كە دەيىن ۇشۋدى جۇزەگە اسىرادى
مەديسينالىق اۆياسيا قازاقستاندىق پاسيەنتتەر مەن شەتەلدەگى وتانداستارعا شۇعىل كومەك كورسەتەدى. جاڭا تەحنولوگيالار ونىڭ جۇمىسىن تەزىرەك جانە ءتيىمدى ەتۋگە كومەكتەسەدى. بۇل ۆەدومستۆونىڭ قىزمەتى تۋرالى وڭىرلىك كوممۋنيكاسيالار قىزمەتىنىڭ ءونلاين-باسپاسوز كونفەرەنسياسىندا ق ر دسم «شۇعىل مەديسينانى ۇلتتىق ۇيلەستىرۋ ورتالىعى» باسقارما ءتوراعاسىنىڭ ورىنباسارى عۇمىربەك اعىبايەۆ ايتىپ بەردى، دەپ حابارلايدى اlmaty-akshamy.kz
سپيكەردىڭ ايتۋىنشا، مەداۆيسيا ناۋقاستاردى تاسىمالداۋمەن اينالىسادى، وپەراسيالار جۇرگىزەدى، دونورلىق ورگاندار مەن بيوماتەريالداردى جەتكىزەدى. ورتاشا العاندا تاۋلىگىنە 3-تەن 15-كە دەيىن ۇشۋ جۇزەگە اسىرىلادى. عۇمىربەك اعىبايەۆ ولاردىڭ قىزمەتكەرلەرىنىڭ ءاربىر كەزەكشىلىگى-قۇتقارىلعان ءومىر ەكەنىن اتاپ ءوتتى. ءدال وسى مەديسينالىق اۆياسيا مارشرۋتتىڭ قيىندىعىنا قاراماستان، كومەككە مۇقتاج جەرلەرگە ۇشىپ كەلەدى. بارلىق ۇشاقتار مەن تىكۇشاقتار جوعارى تەحنولوگيالىق زاماناۋي مەديسينالىق جابدىقتارمەن جابدىقتالعان.
«ۇشۋلاردىڭ ەڭ كوپ ۇلەسى جاراقات العان جاعدايدا، ادەتتە جكو سەبەبىنەن، سونداي-اق بالالار مەن جاڭا تۋعان نارەستەلەردىڭ پاتولوگيالارى، قان اينالىمى جۇيەسىنىڭ اۋرۋلارى، اكۋشەرلىك-گينەكولوگيالىق، حيرۋرگيالىق، تەراپيالىق جانە باسقا اۋرۋلار كەزىندە مەديسينالىق كومەك كورسەتۋ ءۇشىن جۇزەگە اسىرىلادى»، - دەپ اتاپ ءوتتى باسقارما ءتوراعاسىنىڭ ورىنباسارى.
قازىرگى ۋاقىتتا مەديسينالىق اۆياسيا قىزمەتى 24 ۇشاق پەن 13 تىكۇشاقتى پايدالانادى، ولاردىڭ بارلىعى قازاقستان رەسپۋبليكاسىنىڭ ازاماتتىق اۆياسيا كوميتەتىندە سەرتيفيكاتتالعان.
2011 جىلدان باستاپ 2021 جىلعى قاراشاعا دەيىنگى قىزمەتتىڭ بارلىق كەزەڭىندە مەديسينالىق اۆياسيامەن 20 481 ۇشۋ ورىندالدى. بۇدان باسقا، پاسيەنتتىڭ ورنالاسقان جەرى بويىنشا مەديسينالىق بۇيىمداردىڭ نەمەسە ءتيىستى بىلىكتىلىگى بار مامانداردىڭ بولماۋى سەبەبىنەن ازاماتتىق اۆياسيانىڭ تۇراقتى رەيستەرىنىڭ اۋە كەمەلەرى جەرگىلىكتى جەرلەردە كۇندىزگى كونسۋلتاسيالىق جانە جەدەل كومەك كورسەتۋ ءۇشىن 152 ۇشۋدى ورىندادى. سونداي-اق دونورلىق ورگانداردى الۋ جانە تاسىمالداۋ ءۇشىن 75 ۇشۋ جۇزەگە اسىرىلدى. قازاقستان رەسپۋبليكاسىنىڭ ازاماتتارىن جانە قانداستاردى ەلىمىزدىڭ شەتەلدە قيىن جاعدايداعى كلينيكالارىنا تاسىمالداۋ ماقساتىندا الەمنىڭ 24 ەلىنە 92 شەتەلدىك ۇشۋ ورىندالدى.
عۇمىربەك اعىبايەۆ پاسيەنتتى تاسىمالداۋ تۋرالى ءسوز بولعاندا، بۇل ونى قۇتقارۋدا شەشۋشى فاكتور بولۋى مۇمكىن ەكەنىن اتاپ ءوتتى. ون جىلدىق كەزەڭدە 25 155 ازاماتقا كومەك كورسەتىلدى، 29 620 مەديسينالىق قىزمەت ورىندالدى، ونىڭ ىشىندە: مەديسينالىق مەكەمەلەرگە 19 643 پاسيەنت تاسىمالداندى، 1546 وپەراسيا، 4258 كۇندىزگى كونسۋلتاسيالار وتكىزىلدى. سپيكەردىڭ پىكىرىنشە، بۇل تەك ساندار عانا ەمەس، ءار ۇشۋدىڭ ارتىندا ۋاقىتىلى شۇعىل مەديسينالىق كومەك كورسەتىلگەن ادامداردىڭ تاعدىرى تۇر.
مەديسينالىق اۆياسيا ماماندارى پاسيەنتتەرگە قاشىقتىقتان كەڭەس بەرۋمەن اينالىسادى. نۇرسۇلتان جانە الماتى قالالارىنىڭ ساراپشى-دارىگەرلەرى، رەانيماتولوگتار، اكۋشەر-گينەكولوگتار، ينفەكسيونيستەر، پۋلمونولوگتار، كارديولوگتار، نەفرولوگتار 2021 جىلدىڭ 11 ايىندا 1775 قاشىقتىقتان مەديسينالىق قىزمەت كورسەتتى. ۇلتتىق شۇعىل مەديسينانى ۇيلەستىرۋ ورتالىعىنىڭ احۋالدىق ورتالىعى وسى كەزەڭدە سىني پاسيەنتتەر ءۇشىن 215 802 كونسۋلتاسيا وتكىزدى.
ءسوزىنىڭ سوڭىندا عۇمىربەك اعىبايەۆ «اۋەدەگى جەدەل جاردەم» قىزمەتى الەمنىڭ ءبىرقاتار ەلىندە جوق ەكەنىن، تەك جەكەلەگەن ەلدەردە حالىققا مەديسينالىق اۆياسيا تەگىن كومەك كورسەتەتىنىن اتاپ ءوتتى.