كەيبىر وڭىرلەردە ىستىق اۋا رايى ساقتالادى.
اۋا رايىن بولجاۋشى ماماندار الداعى كۇندەرى اۋا تەمپەراتۋراسى ايتارلىقتاي تومەندەيتىنىن ايتىپ وتىر، دەپ حابارلايدى Almaty-akshamy.kz.
مامانداردىڭ بولجامى بويىنشا، سكانديناۆيا اۋداندارىنان سۋىق انتيسيكلوننىڭ كەلۋى رەسپۋبليكانىڭ سولتۇستىك جارتىسىندا اۋا تەمپەراتۋراسىنىڭ ايتارلىقتاي تومەندەۋىنە الىپ كەلەدى.
«تۇندە 2-7 گرادۋسقا دەيىن جىلى بولادى، كەي جەرلەردە 2 گرادۋسقا دەيىن ۇسىك جۇرەدى، كۇندىز 10-20 گرادۋس جىلى بولادى، ال وڭتۇستىك جارتىسىندا بيىك جوتانىڭ جانە تۇركىمەنستاننان كەلەتىن جىلى اۋا ماسسالارىنىڭ اسەرىنەن قۇرعاق جانە ىستىق اۋا رايى ساقتالادى»، – دەلىنگەن «قازگيدرومەت» رمك حابارلاماسىندا.