قازاقستاننىڭ جوو مەن عىلىمي-زەرتتەۋ ينستيتۋتتارى بىرلەسىپ مامان دايىندايدى

عىلىمي-زەرتتەۋ مەكەمەلەرىنىڭ عالىمدارى ۋنيۆەرسيتەتتەردە ءدارىس وقيدى

بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ مالىمدەدى. سونداي-اق ولار ستۋدەنتتەردىڭ جۇمىستارىنا رەسەنزيا جازىپ، عىلىمي جوبالارىنا جەتەكشىلىك ەتەدى، دەپ حابارلايدى Almaty-akshamy.kz

باستاپقى كەزەڭدە كادرلار دايارلاۋدىڭ 500 ءبىلىم بەرۋ باعدارلاماسى ازىرلەنەدى. بۇدان بولەك ماگيسترانتتار مەن دوكتورانتتارعا، ال وقۋ ورىندارىنىڭ زەرتحانالارى ينستيتۋت قىزمەتكەرلەرىنە قولجەتىمدى بولادى.

«ازىرگە سوڭعى عىلىمي جەتىستىكتەرمەن ءبولىسۋ ماقساتىندا عىلىمي-زەرتتەۋ ينستيتۋتتارىنىڭ 300-دەن استام عالىمى جوو-دا ءدارىس وقيدى. وسى ۋاقىتقا دەيىن ولار وقىتۋعا بەلسەندى ارالاسقان جوق. دەسە دە، ءقازىر قاجەتتىلىك بار»، – دەپ اتاپ ءوتتى ءتيىستى ۆەدومستۆو باسشىسى.

سونداي-اق 100-دەن استام بىرلەسكەن ديسسەرتاسيالىق كەڭەس جۇمىس ىستەيدى. «ە-lab» اقپاراتتىق جۇيە قۇرىلادى. ول زەرتتەۋشىلەرگە ەلىمىزدىڭ قاي ۋنيۆەرسيتەتىندە قاجەتتى زەرتحانا بار ەكەنى تۋرالى اقپارات الۋعا جانە ولاردىڭ تەحنيكالىق مۇمكىندىكتەرىن پايدالانۋعا كومەكتەسەدى.