كۇدىكتىلەر ۋاقىتشا ۇستاۋ يزولياتورىنا قامالدى.
الماتىدا ەكى ەر ادامنان گاشيشتىڭ ءىرى پارتياسى تاركىلەندى، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
الماتى وبلىسىنىڭ ەكى تۇرعىنى ۇستالدى.
«جەدەل ىزدەستىرۋ ءىس-شارالارىن جۇرگىزۋ بارىسىندا ءبىزدىڭ بولىمشەنىڭ ارنايى توبىنىڭ قىزمەتكەرلەرى ەسىرتكى قىلمىسىنا قارسى كۇرەس باسقارماسىنىڭ ارىپتەستەرىنىڭ كومەگىمەن قالا بازارلارىنىڭ ءبىرىنىڭ اۋماعىندا 38 جاستاعى جۇمىسسىز ازاماتتى ۇستادى. ونى جەكە ءتىنتۋ كەزىندە وزىنە ءتان ءيىسى بار زات سالىنعان ءۇش پوليەتيلەن بايلامى تاركىلەندى. ءبىر مەزگىلدە جەتىسۋ اۋدانىندا ەكىنشى ايىپتالۋشى ۇستالدى. 40 جاستاعى ەر ادامنان ءشوپ سالىنعان ءتورت بىردەي پاكەت تاركىلەندى. ونىڭ شىنايى تيەسىلىگىن ساراپتاما انىقتايدى. الدىن الا بولجام بويىنشا، بۇل – گاشيش»، - دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
ءقازىر تەرگەۋشىلەر ۇستالعانداردىڭ اراسىنداعى بايلانىستى تەكسەرىپ، ەسىرتكىنى جەتكىزۋ ارناسىن انىقتاپ جاتىر. ەكى دەرەك تە ق ر قك-نىڭ 296-بابى 4-بولىگى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلىپ، ءبىر وندىرىسكە بىرىكتىرىلدى.