قازاقستاننىڭ حالىق ءارتىسى، تانىمال تەاتر جانە ونەر قايراتكەرى ريحانگۇل ماحپيروۆا 79 جاسىندا دۇنيە سالدى، - دەپ حابارلايدى aqshamnews.kz ءتىلشىسى.
ونەر يەسىنىڭ شىعارماشىلىق جولى 1977 جىلى قۇدىس قوجامياروۆ اتىنداعى رەسپۋبليكالىق مەملەكەتتىك اكادەميالىق ۇيعىر مۋزىكالىق كومەديا تەاترىندا باستالعان. جارتى عاسىرعا جۋىق ەڭبەگىنىڭ ناتيجەسىندە ول قازاق تەاتر ونەرىنىڭ التىن قورىنا ەنگەن تالاي اسەرلى، كوركەم جانە ەستە قالارلىق وبرازداردى سومدادى.
ونەر سالاسىنداعى زور ۇلەسى ءۇشىن ريحانگۇل ماحپيروۆاعا "قازاقستان رەسپۋبليكاسىنىڭ ەڭبەك سىڭىرگەن ءارتىسى" جانە "قازاقستاننىڭ حالىق ءارتىسى" قۇرمەتتى اتاقتارى بەرىلگەن.
ق ر مادەنيەت جانە اقپارات مينيسترلىگى مارقۇمنىڭ وتباسى مەن جاقىندارىنا، سونداي-اق بارشا ونەرسۇيەر قاۋىمعا قايعىرا كوڭىل ايتتى.
"ەلىمىز كورنەكتى ونەر قايراتكەرىنەن ايىرىلدى. ريحانگۇل ماحپيروۆانىڭ جارىق بەينەسى حالىق جادىندا ماڭگى ساقتالادى"، – دەلىنگەن ۆەدومستۆو حابارلاماسىندا.