جەلىدە تاراعان قايعىلى حاباردى ءانشىنىڭ وتباسى مۇشەلەرى راستاعان.
ءانشى، مۋزىكانت، «دوس-مۇقاسان» ءانسامبلىنىڭ ءسوليستى اقجول مەيىربەكوۆ دۇنيەدەن ءوتتى، دەپ حابارلايدى Almaty-akshamy.kz
اقجول مەيىربەكوۆ 1950 جىلى 7 شىلدەدە وڭتۇستىك قازاقستان وبلىسى ارىس قالاسىندا دۇنيەگە كەلگەن. 1978 جىلى «دوس-مۇقاسان» انسامبلىنە قابىلدانادى دا، 1985-1994 جىلدارى الماتى وبلىستىق فيلارمونياسىنىڭ «ارقاس»، «سازگەن»، «ادىرنا» انسامبلدەرىندە ءان سالعان. ءانشى 1994-1996 جىلدارى «گۇلدەر» ءانسامبلىنىڭ كوركەمدىك جەتەكشىسى ءارى ديرەكتورى بولدى.
2001 جىلى «اقجول» ان-تەاترىن قۇردى. مۋزىكانت 2010 جىلى قايتادان «دوس-مۇقاسان» توبىنا ورالىپ، وسى كۇنگە دەيىن ءانسامبلدىڭ ءانشىسى بولدى.
ول قازاقستاننىڭ ەڭبەك سىڭىرگەن ءارتىسى، «قۇرمەت» وردەنىنىڭ جانە «ەرەن ەڭبەگى ءۇشىن» مەدالىنىڭ يەگەرى.
