ءوزارا ساۋدا 7 725،6 ملن اقش دوللاردى قۇرادى.
الدىن الا دەرەكتەر بويىنشا، قازاقستان رەسپۋبليكاسىنىڭ ەاەو ەلدەرىمەن 2022 جىلعى قاڭتار-ساۋىردەگى ءوزارا ساۋداسى 7 725،6 ملن اقش دوللارىن قۇراپ، وتكەن جىلدىڭ سايكەس كەزەڭىمەن سالىستىرعاندا نومينالدى ماندە 5،4% كوبەيدى، دەپ حابارلايدى Almaty-akshamy.kz.
2022 جىلعى قاڭتار-ساۋىردەگى تاۋارلار ەكسپورتى 2 298،7ملن اقش دوللارى دەڭگەيىندە قالىپتاستى (1،2% كوپ)، يمپورت – 5 426،9 ملن اقش دوللارى (7،4% كوپ).
«قازاقستان رەسپۋبليكاسىنىڭ ەاەو ەلدەرىمەن سىرتقى ساۋدا اينالىمىنىڭ جالپى كولەمىندە رەسەي فەدەراسياسىنا – 93،1%، قىرعىزستان رەسپۋبليكاسىنا – 3،8%، بەلارۋس رەسپۋبليكاسىنا – 3،1%، ارمەنيا رەسپۋبليكاسىنا – 0،06% كەلەدى»، - دەلىنگەن ۇلتتىق ستاتيستيكا بيۋروسىنىڭ حابارلاماسىندا.
ەاەو ەلدەرىمەن ەكسپورت بويىنشا وتكەن جىلدىڭ سايكەس كەزەڭىمەن سالىستىرعاندا جاساندى كورۋند (اليۋمينيي وكسيدى، اليۋمينيي گيدروكسيدى) بويىنشا ەڭ جوعارعى ءوسىم – 3،2 ەسەگە ءوسۋ بايقالدى. بۇل رەتتە كۇيدىرىلگەن ءپيريتتى قوسا العاندا، تەمىر كەندەرى مەن كونسەنتراتتارى بويىنشا تومەندەۋ بايقالادى (42،1% از).