ولاردىڭ مىندەتىنە حالىقتى، وبەكتىلەر مەن كوممۋنيكاسيالاردى قارسىلاستىڭ ءتۇرلى ارەكەتتەرىنەن، ديۆەرسيالىق نەمەسە تەررورلىق اكتىلەردەن قورعاۋ كىرەدى.
اۋماقتىق قورعانىس اسكەرلەرى 2017 جىلعى 13 ماۋسىمدا قۇرىلعان بولاتىن، دەپ حابارلايدى Almaty-akshamy.kz ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
وسى كەزەڭ ارالىعىندا اسكەرلەر 6 مىڭنان استام اسكەري مىندەتتىنى وقىتىپ، دايىندادى.
اسكەرلەردىڭ قىزمەتىنە جالپى باسشىلىقتى پولكوۆنيك ريزات قولپاشيەۆ باسقاراتىن باس شتابقا قاراستى اۋماقتىق قورعانىس دەپارتامەنتى جۇزەگە اسىرادى.
بارلىق وبلىس ورتالىقتارى مەن رەسپۋبليكالىق ماڭىزى بار قالالاردا بەيبىت ۋاقىتتا قىسقارتىلعان قۇرامدا ۇستالاتىن جانە توتەنشە نەمەسە سوعىس جاعدايى رەجيمدەرىن ەنگىزۋ كەزىندە جەرگىلىكتى حالىق اراسىنان اسكەري مىندەتتىلەردى شاقىرۋ ارقىلى ورىستەتىلۋى مۇمكىن اۋماقتىق اسكەرلەر قۇرامالارى جۇمىس ىستەيدى.
باستاپقىدا بۇل بولىمشەلەر جەرگىلىكتى اتقارۋشى ورگانداردىڭ كوممۋنالدىق مەملەكەتتىك مەكەمەلەرى رەتىندە جۇمىس ىستەگەن بولاتىن.
2018 جىلعى ساۋىردە اكىمدىكتەردىڭ جانىنداعى اۋماقتىق قورعانىس قۇرامالارى قازاقستان رەسپۋبليكاسى قارۋلى كۇشتەرى اۋماقتىق اسكەرلەرىنىڭ اسكەري بولىمدەرى بولىپ قايتا قۇرىلدى. سول جىلعى مامىر ايىندا وتكەن جاۋىنگەرلىك پارادتا مەملەكەت باسشىسى وبلىستار مەن رەسپۋبليكالىق ماڭىزى بار قالالاردىڭ اكىمدەرىنە قۇرامالاردىڭ جاۋىنگەرلىك تۋلارىن تابىس ەتتى. جىلدىڭ سوڭىندا، ياعني جەلتوقسان ايىندا اسكەري قاۋىپسىزدىك جانە قورعانىس ماسەلەلەرى بويىنشا اكىمنىڭ كومەكشىسى لاۋازىمى ەنگىزىلدى. وعان اسكەري قىزمەتتە قاجەتتى تاجىريبەسى بار قارۋلى كۇشتەردىڭ وفيسەرلەرى تاعايىندالدى.
جەرگىلىكتى اتقارۋشى ورگاندار جىل سايىن اۋماقتىق قورعانىس بولىمشەلەرىنە تىركەلگەن اسكەري مىندەتتىلەردىڭ جيىنىن وتكىزىپ تۇرادى. اۋماقتىق اسكەرلەر مەن جەرگىلىكتى اتقارۋشى ورگاندار لاۋازىمدى ادامدارىنىڭ وقۋ-جاتتىعۋلارى مەن بىلىكتىلىگىن ارتتىرۋ كۋرستارىن وتكىزۋ دە ءبىر جۇيەگە تۇسكەن.
بۇگىندە اۋماقتىق قورعانىس اسكەرلەرى قارۋلى كۇشتەردىڭ اۋقىمى كەڭ وقۋ-جاتتىعۋلارىنا تۇراقتى تۇردە قاتىسىپ، وزدەرىنىڭ مىندەتتەرىن ءساتتى ورىنداپ ءجۇر.