ۇلتتىق عىلىمي كارديوحيرۋرگيا ورتالىعى الەمنىڭ ەڭ ۇزدىك 22 كلينيكالارىنىڭ قاتارىنا ەندى.
اتالعان ءىس-شاراعا رەسپۋبليكانىڭ ساياسي جانە مەملەكەتتىك قايراتكەرلەرى - پرەمەر-مينيستردىڭ ورىنباسارى ەرالى توعجانوۆ، دەنساۋلىق ساقتاۋ مينيسترلىگىنىڭ، ۆەدومستۆولىق باعىنىستى مەكەمەلەردىڭ باسشىلارى جانە دەنساۋلىق ساقتاۋ سالاسىنداعى ەڭبەك سىڭىرگەن قايراتكەرلەر قاتىستى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-تىڭ تەلەگرام كانالىنا سىلتەمە جاساپ.
ە.توعجانوۆ قۇتتىقتاۋ سوزىندە ۇلت دەنساۋلىعىن نىعايتۋ ەلدىڭ ماڭىزدى باسىمدىعى بولىپ تابىلاتىنىن ايتتى. مەملەكەت باسشىسىنىڭ تاپسىرماسى بويىنشا مەديسينا قىزمەتكەرلەرىن الەۋمەتتىك قولداۋ بويىنشا شارالار كەشەنى ىسكە اسىرىلۋدا. دارىگەرلەردىڭ جالاقىسى كوتەرىلۋدە. مەملەكەتتىك ساياساتتى ىسكە اسىرۋدىڭ باستى ناتيجەسى - حالىققا مەديسينالىق كومەكتىڭ ساپاسى مەن قولجەتىمدىلىگىن جاقسارتۋ بولدى.
تاۋەلسىزدىك جىلدارىندا رەسپۋبليكادا 1،5 مىڭ دەنساۋلىق ساقتاۋ نىسانى سالىندى. ۇلتتىق عىلىمي كارديوحيرۋرگيا ورتالىعى الەمنىڭ ەڭ ۇزدىك 22 كلينيكالارىنىڭ قاتارىنا ەندى، ۇلتتىق نەيروحيرۋرگيا ورتالىعى ورتا ازياداعى كوشباسشى ورتالىقتاردىڭ ءبىرى بولىپ تابىلادى. رەسپۋبليكانىڭ بارلىق جەتەكشى ستاسيونارلارى كۇردەلى وپەراسيالاردى جۇرگىزۋگە مۇمكىندىك بەرەتىن قازىرگى زامانعى جابدىقتارمەن جاراقتالعان.
ۆيسە-پرەمەر دەنساۋلىق ساقتاۋ سالاسىن دامىتۋدا باستى نازار العاشقى مەديسينالىق-سانيتاريالىق كومەكتىڭ قولجەتىمدىلىگى مەن ساپاسىنا اۋدارىلاتىنىن اتاپ ءوتتى. بۇگىندە ەلىمىزدە 7 مىڭ امبۋلاتوريالىق-ەمحانالىق ۇيىم جۇمىس جاسايدى. تەك وسى جىلدىڭ وزىندە 63 وتباسىلىق امبۋلاتوريا سالىنىپ، پايدالانۋعا بەرىلدى. 2026 جىلعا دەيىن تاعى 500 امسك نىسانىن اشۋ جوسپارلانعان.
دەنساۋلىق ساقتاۋ سالاسىنىڭ دامۋى مەن قىزمەتى تۋرالى مينيستر الەكسەي سوي، ۆيسە-مينيسترلەر ەرلان قياسوۆ، اجار عينيات، «استانا مەديسينا ۋنيۆەرسيتەتى» كەاق رەكتورى كامالجان نادىروۆ بايانداما جاسادى.
ەرالى توعجانوۆ دارىگەرلەرگە كوروناۆيرۋس ينفەكسياسىنا قارسى كۇرەستەگى ەرەن ەڭبەگى ءۇشىن العىس ايتىپ، الەمدىك پاندەميا ەلدى ءوز ۆاكسينالارىمەن، دارى-دارمەكتەرمەن جانە مەديسينالىق جابدىقتارمەن قامتاماسىز ەتۋدىڭ ماڭىزدىلىعىن كورسەتكەنىن اتاپ ءوتتى.
پرەمەر-مينيستردىڭ ورىنباسارى كونفەرەنسياعا قاتىسۋشىلار مەن بارشا قازاقستاندىقتاردى تاۋەلسىزدىكتىڭ 30 جىلدىعىمەن قۇتتىقتاپ، لايىقتى ماراپاتتاردى تابىس ەتتى، جۇمىستا ابىروي مەن مىقتى دەنساۋلىق تىلەدى.