سەنبى كۇنى ەلىمىزدىڭ باسىم بولىگى سيكلوندىق ارەكەت پەن اتموسفەرالىق فرونتتاردىڭ ىقپالىندا بولادى، دەپ حابارلايدى Aqshamnews.kz ءتىلشىسى «قازگيدرومەت» رمك باسپا ءسوز قىزمەتىنە سىلتەپ.
مەتەورولوگتاردىڭ مالىمەتىنشە، سولتۇستىك-باتىس وڭىرلەردە جاڭبىرمەن قاتار نايزاعاي كۇتىلىپ، بۇرشاق پەن قاتتى جەل سوعۋى مۇمكىن. ال وڭتۇستىك، شىعىس جانە وڭتۇستىك-شىعىستا نەگىزىنەن جاۋىن-شاشىنسىز اۋا رايى ساقتالادى. رەسپۋبليكا بويىنشا جەل كۇشەيىپ، وڭتۇستىكتە شاڭدى داۋىل سوعادى. سولتۇستىك پەن شىعىستا تۇنگى جانە تاڭعى ۋاقىتتا تۇمان ءتۇسۋى ىقتيمال.
سونداي-اق، الماتى، اقتوبە، ۇلىتاۋ، جەتىسۋ وبلىستارىندا، قاراعاندى وبلىسىنىڭ باتىسى مەن سولتۇستىگىندە، اقمولا وبلىسىنىڭ باتىسى، ورتالىعى جانە وڭتۇستىگىندە، باتىس قازاقستان وبلىسىنىڭ سولتۇستىگى مەن شىعىسىندا، اتىراۋ وبلىسىنىڭ باتىسىندا، قوستاناي وبلىسىنىڭ وڭتۇستىگىندە، سونداي-اق شىعىس قازاقستاندا ءورت ءقاۋپى جوعارى بولادى.
توتەنشە ءورت ءقاۋپى تۇركىستان، قىزىلوردا، ماڭعىستاۋ، اتىراۋ، جامبىل وبلىستارىندا، سونداي-اق باتىس قازاقستاننىڭ باتىسىندا، الماتى وبلىسىنىڭ باتىسى، سولتۇستىگى مەن وڭتۇستىگىندە، جەتىسۋ وبلىسىنىڭ شىعىسى مەن وڭتۇستىگىندە، قوستانايدىڭ وڭتۇستىك-باتىسىندا، قاراعاندىنىڭ وڭتۇستىگىندە، اقتوبەنىڭ ورتالىعى، شىعىسى مەن وڭتۇستىگىندە جانە ۇلىتاۋ وبلىسىنىڭ شىعىسىندا ساقتالادى.
استانا قالاسىندا – اۋىسپالى بۇلتتى، جاۋىن-شاشىنسىز. جەل وڭتۇستىك-شىعىستان سوعادى، كۇشى 9-14، كۇندىز ەكپىنى 15-20 م/س. تۇندە اۋا تەمپەراتۋراسى +13…+15°س، كۇندىز +25…+27°س.
الماتىدا – اۋىسپالى بۇلتتى، جاۋىن-شاشىنسىز. جەل وڭتۇستىك-شىعىستان وڭتۇستىك-باتىسقا اۋىسادى، جىلدامدىعى 3-8 م/س. تۇندە +15…+17°س، كۇندىز +31…+33°س.
شىمكەنتتە – اۋىسپالى بۇلتتى، جاۋىن-شاشىنسىز. جەل وڭتۇستىك-باتىستان 8-13 م/س. تۇندە +16…+18°س، كۇندىز +34…+36°س.